Allu Arha Telugu Skills | నందమూరి బాలకృష్ణ వ్యాఖ్యాతగా వ్యవహరిస్తున్న ‘ అన్ స్టాపబుల్ ‘ ( Unstoppable ) టాక్ షో ( Talk Show )కు ఐకాన్ స్టార్ అల్లు అర్జున్ ( Allu Arjun ) ముఖ్య అతిథిగా విచ్చేసిన విషయం తెల్సిందే.
దీనికి సంబంధించిన పార్ట్ 1 ఎపిసోడ్ ఆహాలో స్ట్రీమ్ ( Stream ) అవుతుంది. దీనికి మంచి రెస్పాన్స్ సైతం వచ్చింది. ఈ క్రమంలో పార్ట్ 2 ఎపిసోడ్ ప్రోమోను ఆహా విడుదల చేసింది. ఈ ఎపిసోడ్ లో అల్లు అర్జున్ తనయుడు అల్లు అయాన్, కూతురు అల్లు అర్హ కూడా కనిపించారు.
ఈ క్రమంలో నీకు తెలుగు వచ్చా అని అల్లు అర్హ ను బాలకృష్ణ అడగగా ‘ అటజని కాంచె భూమిసురు డంబర ‘ పద్యాన్ని గుక్కతిప్పుకోకుండా అల్లు అర్హ చెప్పారు. దింతో బాలకృష్ణ అవాక్కయ్యారు. అనంతరం ఆమెను అభినందించారు.
ఇది విన్నాక తెలుగు నాలుగు కాలల పాటు బతుకుతుందని బాలకృష్ణ చెప్పారు. కాగా అల్లు అర్జున్ పార్ట్ 2 ఎపిసోడ్ నవంబర్ 22న స్ట్రీమ్ కానుంది.
