CM Revanth Responds To Nani Request నేచురల్ స్టార్ నాని, సుప్రసిద్ధ దర్శకుడు శ్రీకాంత్ ఓదెల కాంబినేషన్లో తెరకెక్కిన భారీ చిత్రం ‘ది ప్యారడైజ్’ విడుదల కానున్న నేపథ్యంలో ఒక ఆసక్తికర పరిణామం చోటుచేసుకుంది.
హైదరాబాద్లోని ప్రసిద్ధ ఆర్టీసీ క్రాస్రోడ్స్ థియేటర్లో ప్రేక్షకులతో కలిసి ప్రీమియర్ షో వీక్షించేందుకు అనుమతి ఇవ్వాలని నాని సోషల్ మీడియా ప్లాట్ఫారమ్ ‘ఎక్స్’ (X) వేదికగా తెలంగాణ ముఖ్యమంత్రి రేవంత్ రెడ్డికి విజ్ఞప్తి చేశారు. భద్రతా నిబంధనలు, అధికారిక ప్రోటోకాల్స్ను ఖచ్చితంగా పాటిస్తామని, ప్రజా భద్రతే తమ మొదటి ప్రాధాన్యమని ఆయన స్పష్టం చేశారు.
నాని విజ్ఞప్తికి సీఎం అభినందనలు..
నాని చేసిన ఈ విజ్ఞప్తిపై ముఖ్యమంత్రి రేవంత్ రెడ్డి వెంటనే స్పందిస్తూ సానుకూల వ్యాఖ్యలు చేశారు. భద్రతా మార్గదర్శకాలను గౌరవిస్తూ, బాధ్యతాయుతంగా విన్నవించినందుకు నానిని సీఎం రేవంత్ రెడ్డి ప్రశంసించారు. యంగ్ అండ్ టాలెంటెడ్ తెలంగాణ దర్శకుడు శ్రీకాంత్ ఓదెల ప్రతిభను ముఖ్యమంత్రి ఈ సందర్భంగా ప్రత్యేకంగా కొనియాడారు.
ప్రజా భద్రతే ప్రథమ ప్రాధాన్యం..
థియేటర్ల వద్ద జనసమూహ నియంత్రణ, శాంతిభద్రతలు మరియు ప్రజల భద్రత ప్రభుత్వానికి అత్యంత ప్రాధాన్యమైన అంశాలని సీఎం స్పష్టం చేశారు. ఈ విషయమై అధికారికంగా స్థానిక పోలీస్ స్టేషన్లో దరఖాస్తు చేసుకోవాలని నానికి సీఎం సూచించారు. పోలీసు అధికారులు అక్కడ ఉన్న శాంతిభద్రతల పరిస్థితులను పూర్తిస్థాయిలో విశ్లేషించిన అనంతరం తగిన నిర్ణయం తీసుకుంటారని స్పష్టం చేశారు.
