ప్రపంచ యోగాసనా ఛాంపియన్‌షిప్‌లో భారత్ సంచలనం!

• ఏకంగా 102గోల్డ్ మెడల్స్‌తో ‘సెంచరీ’ కొట్టిన అన్నదాతలు!

India Wins 114 Medals In World Yogasana Championship | అంతర్జాతీయ క్రీడా వేదికపై భారత అథ్లెట్లు సరికొత్త చరిత్ర సృష్టించారు. గుజరాత్ వేదికగా అత్యంత ప్రతిష్టాత్మకంగా జరిగిన ‘మొదటి ప్రపంచ యోగాసనా ఛాంపియన్‌షిప్-2026’లో భారత్ సత్తా చాటింది.

టోర్నీలో కేవలం బంగారు పతకాలతోనే సెంచరీ దాటేసి గ్లోబల్ యోగా రంగంలో భారత్‌కు తిరుగులేదని మరోసారి నిరూపించింది.

5 రోజుల పాటు కంటిన్యూగా ఈవెంట్..

వరల్డ్ యోగాసనా సహకారంతో యోగాసనా భారత్, ఇండియన్ ఒలింపిక్ అసోసియేషన్ (IOA) సంయుక్తంగా గుజరాత్‌లోని అహ్మదాబాద్ వేదికగా జూన్ 4 నుండి జూన్ 8 వరకు ఐదు రోజుల పాటు ఈ ప్రపంచ ఛాంపియన్‌షిప్‌ను విజయవంతంగా నిర్వహించాయి. ఈ మెగా ఈవెంట్‌లో ప్రపంచవ్యాప్తంగా 79 దేశాలకు చెందిన 522 మంది అథ్లెట్లు పాల్గొని తమ ప్రతిభను ప్రదర్శించారు.

పతకాల పట్టికలో భారత్ ఏకఛత్రాధిపత్యం..
ఈ టోర్నీలో భారత అథ్లెట్లు ఆరంభం నుంచే ఆకాశమే హద్దుగా చెలరేగిపోయారు. మొత్తం ఈవెంట్‌లో ఇండియా ఏకంగా 114 పతకాలను తన ఖాతాలో వేసుకుంది. ఇందులో విశేషం ఏమిటంటే.. 114 మెడల్స్‌లో ఏకంగా 102 కేవలం బంగారు పతకాలే కావడం గమనార్హం.

మెడల్స్ రేసులో రెండవ స్థానంలో నిలిచిన జపాన్ దేశం మొత్తం 11 పతకాలను సాధించింది. అంటే రన్నరప్‌గా నిలిచిన జపాన్ కంటే భారత్ ఏకంగా 103 పతకాలు అదనంగా సాధించి అగ్రస్థానంలో నిలిచింది. పతకాల రేసులో టాప్ దేశాల వివరాలు కింద విధంగా ఉన్నాయి:

భారత్, జపాన్ తర్వాత స్థానాల్లో అర్జెంటీనా, సింగపూర్, నేపాల్ దేశాలు నిలిచాయి. ప్రపంచ వేదికపై యోగా పుట్టినగడ్డ అయిన భారతదేశ కీర్తి పతాకాన్ని ఎగురవేసిన అథ్లెట్లపై ప్రస్తుతం దేశవ్యాప్తంగా ప్రశంసల జల్లు కురుస్తోంది.