అమరావతిలో బాలకృష్ణ- కొరటాల శివ క్రేజీ ప్రాజెక్ట్ గ్రాండ్ లాంచ్!

‌- రూ. 150 కోట్లకు పైగా బడ్జెట్‌తో ‘#NBK112’ షురూ..

Balakrishna Koratala Siva NBK112 Movie Launch | నటసింహం నందమూరి బాలకృష్ణ మరియు స్టార్ డైరెక్టర్ కొరటాల శివ కాంబినేషన్‌లో ఎంతో ప్రతిష్టాత్మకంగా తెరకెక్కనున్న సరికొత్త చిత్రం నేడు (జూన్ 25) ఆంధ్రప్రదేశ్ రాజధాని అమరావతి పరిధిలోని వెంకటాయపాలెంలో గల ప్రసిద్ధ టీటీడీ శ్రీ వేంకటేశ్వర స్వామి ఆలయ ప్రాంగణంలో పూజా కార్యక్రమాలతో అంగరంగ వైభవంగా ప్రారంభమైంది.

బాలయ్య కెరీర్‌లో 112వ చిత్రంగా రాబోతున్న ఈ ప్రాజెక్ట్ (#NBK112), టాలీవుడ్‌లోనే అత్యంత క్రేజీ కాంబినేషన్‌గా ఇప్పటికే భారీ అంచనాలను క్రియేట్ చేసింది. నవ్యాంధ్ర రాజధాని వేదికగా ఘనంగా ప్రారంభమైన మొదటి స్టార్ హీరో సినిమా ఇదే కావడం విశేషం.

మంత్రుల సమక్షంలో ముహూర్తపు వేడుక..

ఈ అట్టహాసపు ప్రారంభోత్సవ వేడుకకు రాజకీయ, సినీ రంగానికి చెందిన పలువురు ప్రముఖులు హాజరై చిత్ర యూనిట్‌కు శుభాకాంక్షలు తెలియజేశారు. ఏపీ విద్యాశాఖ మంత్రి నారా లోకేష్ ఈ చిత్ర ముహూర్తపు సన్నివేశానికి తొలి క్లాప్ కొట్టారు. (Balakrishna Koratala Siva NBK112 Movie Launch) ఏపీ సినిమాటోగ్రఫీ శాఖ మంత్రి కందుల దుర్గేష్ కెమెరా స్విచ్ ఆన్ చేసి పూజా కార్యక్రమాలను ప్రారంభించారు.

ఈ వేడుకలో బాలకృష్ణ చిన్న కుమార్తె తేజస్విని, ప్రముఖ నిర్మాత దగ్గుబాటి సురేష్ బాబు, దర్శకుడు గోపీచంద్ మలినేని తదితరులు పాల్గొన్నారు.

రూ. 150 కోట్లకు పైగా భారీ బడ్జెట్.. 2027 సమ్మర్ రిలీజ్..

ఈ చిత్రాన్ని ఎస్‌ఎల్‌వి సినిమాస్, యువసుధ ఆర్ట్స్ పతాకాలపై ప్రముఖ నిర్మాతలు సుధాకర్ చెరుకూరి, సుధాకర్ మిక్కిలినేని అత్యంత ప్రతిష్టాత్మకంగా నిర్మిస్తున్నారు. ఈ సందర్భంగా నిర్మాత సుధాకర్ చెరుకూరి మీడియాతో మాట్లాడుతూ సినిమాకు సంబంధించిన కీలక వివరాలను పంచుకున్నారు.

“నందమూరి బాలకృష్ణ ఊరమాస్ ఇమేజ్‌కు సరిపోయేలా, కొరటాల శివ మార్క్ సామాజిక సందేశంతో కూడిన ఒక పవర్‌ఫుల్ పాన్ ఇండియా యాక్షన్ ఎంటర్‌టైనర్‌గా ఈ చిత్రాన్ని తెరకెక్కిస్తున్నాం.

దీనికోసం రూ. 150 కోట్ల నుండి రూ. 200 కోట్ల వరకు భారీ బడ్జెట్‌ను కేటాయించాం. ఈ ఏడాది ఆగస్టు నుండి రెగ్యులర్ షూటింగ్ ప్రారంభించి, వచ్చే 2027 వేసవి (Summer) కానుకగా సినిమాను ప్రపంచవ్యాప్తంగా ప్రేక్షకుల ముందుకు తీసుకురావడానికి ప్లాన్ చేస్తున్నాం.

“‘పవర్ మీట్స్ పర్పస్.. మాస్ బెకమ్స్ ఎ మూవ్‌మెంట్’:గతంలో బాలకృష్ణ ఇండస్ట్రీ హిట్ చిత్రం ‘సింహా’కు కొరటాల శివ రచయితగా పవర్‌ఫుల్ డైలాగ్స్ అందించిన విషయం తెలిసిందే. మళ్లీ ఇన్నేళ్ల తర్వాత వీరిద్దరూ హీరో-దర్శకుడిగా చేతులు కలపడంతో అభిమానుల్లో అంచనాలు ఆకాశాన్ని తాకుతున్నాయి.

ఈ చిత్రానికి రాక్‌స్టార్ అనిరుధ్ రవిచందర్ సంగీతం అందిస్తుండగా, ఒక బలమైన పొలిటికల్ యాక్షన్ డ్రామాగా ఈ కథ సాగనున్నట్లు ఇండస్ట్రీ వర్గాల సమాచారం.