Deputy Cm Pawan Kalyan Meets Pm Modi | ఆంధ్రప్రదేశ్ డిప్యూటీ సీఎం పవన్ కళ్యాణ్ ( Deputy Cm Pawan Kalyan ) ఢిల్లీ పర్యటన బిజీ బిజీ గడుస్తుంది.
వరుసగా కేంద్రమంత్రులను కలిసిన పవన్ బుధవారం ఉదయం ప్రధాని నరేంద్ర మోదీతో భేటీ అయ్యారు. డిప్యూటీ సీఎంగా బాధ్యతలు చేపట్టిన అనంతరం ఢిల్లీలో ప్రధానిని పవన్ తొలిసారి కలిశారు. పార్లమెంటు బిల్డింగ్ ( Parliament Building ) లోని పీఎం కార్యాలయంలో ప్రధానితో డిప్యూటీ సీఎం సమావేశం అయ్యారు.
ఈ భేటీలో జనసేన ఎంపీలు వల్లభనేని బలశౌరి, ఉదయ్ కూడా ఉన్నారు. ఈ సందర్భంగా రాష్ట్రానికి సంబంధించిన పలు విషయాలు చర్చించారు. ముఖ్యంగా జల జీవన్ మిషన్ అమలులో రాష్ట్రానికి రావాల్సిన నిధులు, అలాగే పథకం కాలపరిమితిని పెంచాలని డిప్యూటీ సీఎం ప్రధానితో చర్చించారు.
