Keerthy Suresh Confirms Relationship With Antony | నటి కీర్తి సురేష్ ( Keerthy Suresh ) పెళ్లిపై గత కొన్నిరోజులుగా సోషల్ మీడియాలో కథనాలు వస్తూనే ఉన్నాయి. స్నేహితుడు ఆంటోనీ ( Antony )ని కీర్తి వివాహమాడనుందని ప్రచారం జరిగింది.
తాజగా ఈ వార్తలను కీర్తి సురేష్ నిజం చేశారు. చిన్ననాటి స్నేహితుడు ఆంటోనీని పెళ్లి చేసుకొనున్నట్లు ఆమె అధికారికంగా ప్రకటించారు. ఈ మేరకు ఆంటోనీతో కలిసి దిగిన ఫోటోను ఇన్స్టా ( Instagram )లో షేర్ చేశారు.
దీపావళి వేడుకల్లో భాగంగా ఆంటోనీతో కలసి దిగిన ఫోటోను షేర్ చేసిన కీర్తి, 15 ఏళ్ల తమ స్నేహబంధం ఇక జీవితాంతం కొనసాగనుందని చెప్పారు. ఈ క్రమంలో పలువురు సెలబ్రెటీలు ఆమెకు కంగ్రాట్స్ ( Congrats ) చెబుతున్నారు.
కాలేజి చదివే రోజుల్లో కీర్తి, ఆంటోనీల మధ్య స్నేహం ఏర్పడి, ఆ తర్వాత అది ప్రేమగా మారింది. కేరళకు చెందిన ఆంటోనీ కొన్ని సంవత్సరాల క్రితం వరకు విదేశాల్లో ఉద్యోగం చేశారు, అయితే ఇప్పుడు కేరళలో ఆయనకు పలు వ్యాపారాలు ఉన్నాయి. ఇకపోతే త్వరలోనే వీరి పెళ్లి ఎప్పుడనేది తెలిసే అవకాశం ఉంది.
