Balakrishna On Pawan kalyan| టీడీపీ ( TDP ) నేత, హిందూపూర్ ఎమ్మెల్యే నందమూరి బాలకృష్ణ ( Nandamuri Balakrishna ) ఆసక్తికర వ్యాఖ్యలు చేశారు.
గురువారం నాడు హిందూపూర్ ( Hindhupur ) లో టీడీపీ జనసేన ( Janasena ) సమన్వయ సమావేశం లో పాల్గొన్నారు. ఈ మేరకు మాట్లాడుతూ తమ్ముడు పవన్ కళ్యాణ్ ( Pawan Kalyan ) కు తనకు కొన్ని విషయాల్లో సారూప్యత ఉందని తెలిపారు.
ఇద్దరమూ ముక్కుసూటి మనుషులమని, కుండ బద్దలు కొట్టినట్లు మాట్లాడుతామని తెలిపారు. అక్రమాలు, అవినీతి చేసే వారిని ఇద్దరమూ లెక్క చేయమని స్పష్టం చేశారు బాలకృష్ణ.
ఈ సందర్భంగా జనసేన, టీడీపీ కండువా లను వేసుకొని జై టీడీపీ, జై జనసేన అంటూ నినదించారు బాలకృష్ణ. అలాగే పవన్ కళ్యాణ్ ముందుకు వచ్చి టీడీపీ కి మద్దతు తెలపడాన్ని అభినందించారు.
అభివృద్ధి చేతకాక మూడు రాజధానులు అంటూ సీఎం జగన్ ( Cm Jagan ) కాలయాపన చేసారని విమర్శించారు. నేరస్థుల పాలనతో ఏపీ ( AP )లో ప్రజాస్వామ్యం ప్రమాదంలో పడిందని, ప్రజాస్వామ్యాన్ని కాపాడుకోవడానికి టీడీపీ-జనసేన కలిసి పోరాటం చేయాలని పిలుపునిచ్చారు హిందూపూర్ ఎమ్మెల్యే.
