Flying Fish Video | ప్రముఖ పారిశ్రామికవేత్త హర్ష్ గోయెంకా (Harsh Goenka) సోషల్ మీడియాలో యాక్టివ్ గా ఉంటారు. తరచూ ఆసక్తికర అంశాలను పోస్ట్ చేస్తుంటారు. తాజాగా ఆయన సోషల్ మీడియాలో తొలిసారి ఎగిరే చేపను చూశానంటూ ఒక వీడియో పోస్ట్ చేశారు.
ఆ వీడియోలో సముద్రంలో బోటులో ప్రయాణిస్తున్న ఓ వ్యక్తి రెక్కలున్న చేపను చూపిస్తాడు. దానిని వదిలేసిన వెంటనే అది పక్షిలా ఎగురుతూ సముద్రంలోకి వెళ్లిపోతుంది. ఈ పోస్టు వైరల్ గా మారడంతో ఇండియన్ ఫారెస్ట్ సర్వీస్ అధికారి పర్వీన్ కాస్వాన్ స్పందించారు.
అది ఏఐ ద్వారా రూపొందించిన వీడియో కాబట్టి తొలిసారి ఎగిరే చేపను చూడగలిగారని తెలిపారు. దీంతో ఏది ఏఐ వీడియోనో, ఏది ఒరిజినల్ వీడియోనో తెలియడం లేదంటూ నెటిజన్లు కామెంట్స్ చేస్తున్నారు.
