Modi Hyderabad Tour | ప్రధాని నరేంద్ర మోదీ (Narendra Modi) శనివారం హైదరాబాద్ (Hyderabad) రానున్నారు.
పరేడ్ గ్రౌండ్స్ (Pared Grounds) లో మాదిక రిజర్వేషన్ పోరాట సమితి ఎమ్మార్పీస్ (MRPS) ఆధ్వర్యంలో నిర్వహించనున్న మాదిగల విశ్వరూప మహా సభలో మోదీ పాల్గొననున్నారు.
ఈ సందర్భంగా ఏళ్లుగా పోరాటం చేస్తున్న ఎస్సీ వర్గీకరణపై మోదీ కీలక ప్రకటన చేసే అవకాశం ఉన్నట్లు తెలుస్తోంది. మోదీ పర్యటన సందర్భంగా నగరంలో పోలీసులు ట్రాఫిక్ ఆంక్షలు (Traffic) విధించారు.
మధ్యాహ్నం 2 గంటల నుంచి రాత్రి 8 గంటల వరకు పలు ప్రాంతాల్లో ట్రాఫిక్ ఆంక్షలు ఉంటాయని పోలీసులు వెల్లడించారు. వాహనదారులు ఇబ్బందులు పడకుండా ప్రత్యమ్నాయ మార్గాలు చూసుకోవాలన్నారు.
ట్రాఫిక్ ఆంక్షలు ఉన్న రూట్లివే..!
- సంగీత్ ఎక్స్ రోడ్ నుంచి బేగంపేట వైపు వచ్చే వాహనాలను వైఎంసీఏ వద్ద క్లాక్ టవర్ – ప్యాట్నీ – ప్యారడైజ్ – CTO – రసూల్పురా – బేగంపేట వైపు వెళ్లాలి.
- బేగంపేట నుంచి సంగీత్ X రోడ్ వైపు వచ్చే ట్రాఫిక్ను సీటీవో X రోడ్ల వద్ద బాలమ్రాయ్ – బ్రూక్ బాండ్ – టివోలి – స్వీకర్ ఉప్కార్ – YMCA – సెయింట్ జాన్స్ రోటరీ – సంగీత x రోడ్ల వైపు మళ్లిస్తారు.
- బోయిన్పల్లి, తాడ్బండ్ నుంచి టివోలి వైపు వచ్చే ట్రాఫిక్ బ్రూక్ బాండ్ వద్ద సీటీవో – రాణిగంజ్ – ట్యాంక్ బండ్ వైపు మళ్లిస్తారు.
- కార్ఖానా, జేబీఎస్ నుండి ఎస్బీహెచ్-పాట్నీ వైపు వచ్చే ట్రాఫిక్ను స్వీకర్ ఉపకార్ వద్ద వైఎంసీఏ – క్లాక్ టవర్ – ప్యాట్నీ లేదా టివోలి-బ్రూక్ బాండ్ – బాలమ్రాయ్-సీటీవో వైపు డైవర్ట్ చేస్తారు.
- ప్యాట్నీ నుంచి వచ్చే వాహనాలు ఎస్బీహెచ్- స్వీకర్ ఉపకార్ వైపు అనుమతించబడవు. క్లాక్ టవర్-వైఎంసీఏ లేదా ప్యారడైజ్-సీటీవో వైపు మళ్లిస్తారు.
- ఆర్టీఏ తిరుమల గిరి, కార్ఖానా, మల్కాజ్గిరి, సఫిల్ గూడ నుంచి ప్లాజా వైపు వచ్చే ట్రాఫిక్ను టివోలి వద్ద స్వీకర్-ఉపాకార్, వైఎంసీఏ లేదా బ్రూక్ బాండ్, బాలమ్రాయ్, సీటీవో వైపు వెళ్లాలి.
- జూబ్లీహిల్స్ చెక్ పోస్టు నుంచి బేగంపేట వైపు వచ్చే ట్రాఫిక్ను పంజాగుట్ట వద్ద ఖైరతాబాద్ వైపు, గ్రీన్ ల్యాండ్ వద్ద రాజ్ భవన్ వైపు వెళ్లాలి.
- పంజాగుట్ట – గ్రీన్ లాండ్స్ – బేగంపేట్ నుంచి సికింద్రాబాద్ పరేడ్ గ్రౌండ్స్ వైపు వెళ్లేవారు రూట్లల్లో ప్రయాణం చేయకపోవడం ఉత్తమం.
