Actress Navya Nair Fined Over Rs.1 lakh at Melbourne Airport For Carrying Jasmine | మలయాళ నటి నవ్య నాయర్ కు ఊహించని ఘటన ఎదురైంది. ఓనం పండుగ సంబరాల్లో పాల్గొనేందుకు ఆమె ఇటీవలే ఆస్ట్రేలియా వెళ్లారు.
ఈ క్రమంలో మెల్బోర్న్ విమానాశ్రయంలో మల్లెపూలు తీసుకు వచ్చినందుకు ఆమెకు అక్కడి అధికారులు ఏకంగా రూ.లక్ష జరిమానా విధించారు. ఆస్ట్రేలియా వెళ్తున్న క్రమంలో నవ్య నాయర్ తన బ్యాగులో మల్లెపూలను తీసుకెళ్లారు.
అయితే మెల్బోర్న్ విమానాశ్రయంలో అత్యంత కఠినమైన బయోసెక్యూరిటీ చట్టాలు ఉన్నాయి. ప్రయాణికులు పండ్లు, పూలు, విత్తనాలు తీసుకెళ్లడం ఇక్కడ నిషేధం. వీటి మూలంగా ఇతర ప్రయాణికులకు వ్యాధులు, తెగుళ్లు వ్యాపించే అవకాశం ఉందని అధికారులు కఠినమైన చట్టాలు అమలు చేస్తున్నారు.
ఈ నేపథ్యంలో నవ్య నాయర్ బ్యాగులో మల్లెపూలు గుర్తించిన కస్టమ్స్ సిబ్బంది అధికారులకు సమాచారం ఇచ్చారు. అనంతరం మల్లెపూలు తీసుకువచ్చినందుకు నటికి రూ.1.14 లక్షల జరిమానా విధించారు.
