Balakrishna Expresses Gratitude for Receiving the Padma Bhushan Award | సినీ రంగానికి చేసిన సేవలకు గాను నందమూరి బాలకృష్ణకు కేంద్ర ప్రభుత్వం పద్మభూషణ్ అవార్డును ప్రకటించిన విషయం తెల్సిందే.
ఈ క్రమంలో ఆయన కేంద్ర ప్రభుత్వానికి కృతజ్ఞతలు చెప్పారు. పద్మభూషణ్ అవార్డు ప్రకటించిన సందర్భంగా, అవార్డు ప్రకటించిన భారత ప్రభుత్వానికి కృతజ్ఞతలు తెలియజేశారు. అలాగే తనకు శుభాకాంక్షలు తెలుపుతున్న అందరికీ ధన్యవాదాలు చెప్పారు.
ఈ సుధీర్ఘ ప్రయాణంలో పాలుపంచుకున్న తోటి నటీనటులకు, సాంకేతిక నిపుణులకు, నిర్మాతలకు, పంపిణీదారులకు, ఎగ్జిబిటర్లకు, కుటుంబ సభ్యులకు మరియు యావత్ చలనచిత్ర రంగానికి ధన్యవాదాలు తెలియజేస్తున్నట్లు బాలయ్య పేర్కొన్నారు.
తండ్రి స్వర్గీయ నందమూరి తారకరామారావు ( Nandamuri Taraka Ramarao ) నుండి ఆయన వారసుడిగా నేటి వరకు వెన్నంటి ఉండి తనను ప్రోత్సహిస్తున్న అభిమానులకు, తనపై విశేష ఆధారాభిమానాలు కురిపిస్తున్న అశేష ప్రేక్షక లోకానికి సదా రుణపడి ఉంటానన్నారు. అనంతరం తోటి పద్మ అవార్డు గ్రహీతలందరికీ అభినందనలు తెలియజేశారు.
