KBK Welfare Association | యాదాద్రి భువనగిరి జిల్లా చౌటుప్పల్ పట్టణ పరిధిలోని అమ్మా నాన్న అనాథల పుణ్యక్షేత్రం లో కేబీకే వెల్ఫేర్ అసోసియేషన్ ఆధ్వర్యంలో సోమవారం మహా అన్నదాన కార్యక్రమం జరిగింది.
అమెరికాలో నివాసం ఉంటున్న సాహిత్ సారిక దంపతుల వివాహ వార్షికోత్సవం సందర్భంగా ఆశ్రమంలోని 600 మందికి ఈ అన్నదానం ఏర్పాటు చేశారు. ఈ సందర్భంగా ఆశ్రమ నిర్వాహకులు సాహిత్ సారిక దంపతులకు వివాహ వార్షికోత్సవ శుభాకాంక్షలు తెలిపారు. మతిస్థిమితం లేని అనాథలకు సహాయం చేసిన ఆ దంపతులకు ధన్యవాదాలు తెలిపారు. అదేవిధంగా కేబీకే వెల్ఫేర్ అసోసియేషన్ ఆధ్వర్యంలో తరచూ ఇలాంటి సేవ కార్యక్రమాలు చేపడుతున్న కేబీకే గ్రూప్ ఫౌండర్ కక్కిరేణి భరత్ కుమార్ మరియు ఆయన సతీమణి జయ వైష్ణవిలను ప్రత్యేకంగా అభినందించారు. ఈ కార్యక్రమంలో కేబీకే వెల్ఫేర్ అసోసియేషన్ సభ్యులు రాజేందర్ రెడ్డి, సందీప్ రెడ్డి, అరుణ్, శంకర్ తదితరులు పాల్గొన్నారు.
