KTR Pledges To Donate Organs | అవయవదానానికి తాను సిద్ధంగా ఉన్నట్లు బీఆరెస్ వర్కింగ్ ప్రెసిడెంట్ కేటీఆర్ స్పష్టం చేశారు. ఈ మేరకు అసెంబ్లీలో ప్రకటన చేశారు.
అవయవదానం బిల్లుపై జరిగిన చర్చ సందర్భంగా సభలో తాను అవయవ దానానికి సిద్ధంగా ఉన్నట్లు కేటీఆర్ ప్రకటించారు. లక్షలాది మంది ప్రజలకు ప్రతినిధులం, అందరికీ ఆదర్శంగా నిలవాలని సభ్యులను ఉద్దేశించి కేటీఆర్ పిలుపునిచ్చారు.
నియోజకవర్గాల్లో కూడా అవయవదానం అంశంలో చైతన్యం తీసుకురావాలని పేర్కొన్నారు. ప్రజలందరికీ దీనిపై అవగాహన కల్పించాలన్నారు. ఈ మేరకు ఆలోచన ఉన్న సభ్యులు ముందుకు వస్తే శాసన సభ ప్రాంగణంలోనే సంతకాల సేకరణ చేపడదామని స్పీకర్ కు కేటీఆర్ సూచించారు.
అవయవ దానం అనేది గొప్ప మానవీయ చర్య అని ఇది మరింత మందికి జీవితాన్ని ప్రసాదిస్తుందని కేటీఆర్ కామెంట్ చేశారు.
