New Virus In China | కరోనా వైరస్ (Corona Virus) కు పుట్టినిల్లు చైనాలో (China Virus) మరో కొత్త వైరస్ కలకలం రేపుతోంది. HMPV అనే వైరస్ అక్కడ విజృంభిస్తున్నట్లు సమాచారం. హ్యూమన్ మెటానిమో వైరస్ (Human Metapneumo Virus) వేగంగా వ్యాపిస్తున్నట్లు కథనాలు వస్తున్నాయి.
ఈ వైరస్ బారినపడుతున్న చైనా ప్రజలు పెద్ద సంఖ్యలో ఆసుపత్రిలో చేరుతున్నారు. ఈ వైరస్ సోకిన వారిలో కరోనా పోలిన లక్షణాలు కనిపిస్తున్నాయి. ఇప్పటికే చైనాలో ఎమర్జెన్సీ విధించినట్లు సోషల్ మీడియాలో ప్రచారం జరుగుతుంది.
కరోనాతో కకవికాలం అయిన ప్రజలు ఈ కొత్త వైరస్ వార్తలతో భయాందోళనకు గురవుతున్నారు. ఈ నేపథ్యంలో HMPV వైరస్ పట్ల ప్రస్తుతానికి ఆందోళన చెందవద్దని ఇండియన్ హెల్త్ ఏజెన్సీ ప్రజలకు సూచించింది.
దేశంలో ప్రస్తుతం అటువంటి వైరస్ జాడ లేదని పేర్కొంది. మరోవైపు ఈ వైరస్ వ్యాప్తిపై దృష్టి పెట్టాలని నేషనల్ సెంటర్ ఫర్ డీసీజ్ కంట్రోల్ కి కేంద్ర ఆరోగ్య శాఖ ఆదేశాలు జారీ చేసింది.
