CP Sajjanar Post | హైదరాబాద్ పోలీస్ కమిషనర్ వీసీ సజ్జనర్ (VC Sajjanar) నెటిజన్లకు కీలక విజ్ఞప్తి చేశారు. సైబర్ నేరగాళ్లు తన పేరుతో నకిలీ ఫేస్ బుక్ ఖాతా సృష్టించారని తెలిపారు. తాను ఆపదలో ఉన్నానని.. డబ్బులు పంపాలని మోసపూరిత మెసేజ్లు పంపిస్తున్నారని వెల్లడించారు.
ఇప్పటికే ఓ స్నేహితుడు అది నిజం అని భావించి రూ.20 వేలు పంపి మోసపోయారని తెలిపారు. కాబట్టి తన పేరుతో ఉన్న ఖాతాలో డబ్బులు పంపాలని వచ్చే మెసేజ్లను ఎవరూ నమ్మవద్దని విజ్ఞప్తి చేశారు.
అనుమానాస్పద లింక్లు, మెసేజ్లు, వీడియో కాల్స్ వస్తే వెంటనే బ్లాక్ చేయాలని సూచించారు. ఆయా సైట్లు బ్లాక్ చేసి పోలీసులకు ఫిర్యాదు చేయాలన్నారు. సైబర్ మోసాలపై 1930 హెల్ప్ లైన్ లేదా www.cybercrime. gov.in వెబ్సైట్లో ఫిర్యాదు చేయాలని సూచించారు హైదరాబాద్ కొత్వాల్ సజ్జనార్.
