Deputy Cm Pawan kalyan Meets CM Revanth Reddy | తెలంగాణ సీఎం రేవంత్ రెడ్డి ( Cm Revanth Reddy ) తో ఏపీ డిప్యూటీ సీఎం పవన్ కళ్యాణ్ ( Deputy Cm Pawan Kalyan )భేటీ అయ్యారు.
ఈ మేరకు బుధవారం ఉదయం జూబ్లీహిల్స్ లోని రేవంత్ నివాసానికి పవన్ వెళ్లారు. ఈ సందర్భంగా తెలంగాణ వరద బాధితుల సహాయార్ధం ప్రకటించిన రూ. కోటి రూపాయల చెక్కును సీఎంకు అందజేశారు.
అనంతరం ఇరు రాష్ట్రాల మధ్య సత్సంబంధాలు, ఇతర అంశాలపై చర్చలు జరిపినట్లు సమాచారం. ఇదిలా ఉండగా ఇటీవల కురిసిన భారీ వర్షాలకు ఏపీ మరియు తెలంగాణలో పలు ప్రాంతాలు తీవ్ర నష్టాన్ని చవిచూశాయి.
ఈ క్రమంలో పవన్ కళ్యాణ్ ఏపీకి రూ.5 కోట్లు, తెలంగాణకు రూ. కోటి విరాళం ప్రకటించిన విషయం తెల్సిందే.
