- తొలి 10 బంతుల్లో 5 రన్స్..
- ఆ తర్వాత 23 బంతుల్లో 88 రన్స్!
- రాజస్థాన్ ప్లేఆఫ్స్ ధమకా!
Vaibhav A Celebrations | ఇండియన్ ప్రీమియర్ లీగ్ (IPL 2026) లో రాజస్థాన్ రాయల్స్ (RR) ప్లేఆఫ్స్ చేరాలంటే కచ్చితంగా గెలవాల్సిన చావో రేవో మ్యాచ్ అది. అలాంటి హై-ప్రెజర్ మ్యాచ్లో రాజస్థాన్ రాయల్స్ యువ సంచలనం, చిచ్చరపిడుగు వైభవ్ సూర్యవంశీ ఆకాశమే హద్దుగా విధ్వంసం సృష్టించాడు.
జైపూర్ వేదికగా మంగళవారం సాయంత్రం లక్నో సూపర్ జెయింట్స్ (LSG)తో జరిగిన ఈ హై-స్కోరింగ్ థ్రిల్లర్లో రాజస్థాన్ అద్భుత విజయం సాధించడమే కాకుండా.. వైభవ్ చేసిన సరికొత్త ‘A’ షేప్ సెలబ్రేషన్స్ ఇప్పుడు నెట్టింట వైరల్ అవుతున్నాయి.
అమ్మ కోసం ‘A’ సెలబ్రేషన్..
ఈ మ్యాచ్లో హాఫ్ సెంచరీ మార్కును దాటిన తర్వాత వైభవ్ సూర్యవంశీ తన చేతి వేళ్లతో ఇంగ్లీష్ ‘A’ ఆకారాన్ని చూపిస్తూ వినూత్నంగా సంబరాలు చేసుకున్నాడు. ఈ సెలబ్రేషన్స్ వెనుక ఉన్న క్రేజీ అండ్ ఎమోషనల్ సీక్రెట్ను మ్యాచ్ అనంతరం వైభవ్ స్వయంగా వెల్లడించాడు.
తన ప్రాణ సమానమైన తల్లిని గుర్తుచేసుకుంటూ, అమ్మ ‘ఆర్తి’ (Aarthi) పేరులోని మొదటి అక్షరం వచ్చేలా ఈ ‘A’ ఆకారపు సెలబ్రేషన్స్ చేశానని.. ఈ చారిత్రాత్మక ఇన్నింగ్స్ ను తన తల్లికే అంకితం ఇస్తున్నట్లు వైభవ్ ఎమోషనల్గా పేర్కొన్నాడు.
టాస్ ఓడి తొలుత బ్యాటింగ్ చేసిన లక్నో సూపర్ జెయింట్స్ ఓపెనర్లు మిచెల్ మార్ష్, జాష్ ఇంగ్లీస్ చెలరేగిపోవడంతో నిర్ణీత 20 ఓవర్లలో 220 పరుగుల భారీ స్కోరు చేసింది.
221 పరుగుల భారీ లక్ష్య ఛేదనలో బరిలోకి దిగిన రాజస్థాన్ రాయల్స్ 19.1 ఓవర్లలోనే కేవలం 3 వికెట్లు కోల్పోయి టార్గెట్ను ఊదేసింది. ఓపెనర్ యశస్వి జైస్వాల్, ధృవ్ జురెల్ కీలక ఇన్నింగ్స్ ఆడగా.. వైభవ్ సూర్యవంశీ ఆడిన ఇన్నింగ్స్ మ్యాచ్కే హైలైట్గా నిలిచింది.
మైండ్ బ్లోయింగ్ కంబ్యాక్..
ఈ ఇన్నింగ్స్ ప్రారంభంలో వైభవ్ ఆడిన తొలి 10 బంతుల్లో కేవలం 5 పరుగులు మాత్రమే చేసి తీవ్ర ఒత్తిడిలో కనిపించాడు. కానీ ఆ తర్వాత గేర్ మార్చిన వైభవ్.. లక్నో బౌలర్లపై పగబట్టినట్లు విరుచుకుపడ్డాడు. తదుపరి ఆడిన కేవలం 23 బంతుల్లోనే ఏకంగా 88 పరుగులు దంచికొట్టి బౌండరీల వర్షం కురిపించాడు.
ఈ అద్భుత విజయంతో రాజస్థాన్ రాయల్స్ ప్లేఆఫ్స్ రేసులో దూసుకుపోతుండగా.. నెటిజన్లు వైభవ్ బ్యాటింగ్తో పాటు, అమ్మపై అతనికి ఉన్న ప్రేమను చూసి “రియల్ స్టార్ వైభవ్” అంటూ ప్రశంసలు కురిపిస్తున్నారు.
