Groom refuses food for gold chain | వివాహం అంటే రెండు మనసుల కలయికే కాదు, రెండు కుటుంబాల ఆత్మీయ వేడుక. కానీ, ఈ మధ్య కాలంలో కొన్ని పెళ్లిళ్లలో జరుగుతున్న సంఘటనలు అందరినీ విస్మయానికి గురిచేస్తున్నాయి.
తాజాగా ఒక పెళ్లికొడుకు తన వివాహ విందులో భోజనం చేయడానికి నిరాకరించిన వీడియో నెట్టింట వైరల్గా మారింది. పెళ్లి వేడుకలో భాగంగా భోజనానికి కూర్చున్న వరుడు, తనకు బంగారు గొలుసు కానుకగా ఇచ్చే వరకు ముద్ద ముట్టనని భీష్మించుకుని కూర్చున్నాడు.
కుటుంబ సభ్యులు నచ్చజెప్పే ప్రయత్నం చేసినా, మొండి పట్టుదలతో అక్కడి వాతావరణాన్ని కాస్త ఇబ్బందికరంగా మార్చేశాడు. ఈ వీడియోపై సోషల్ మీడియాలో భిన్నాభిప్రాయాలు వ్యక్తమవుతున్నాయి.
ఇది కేవలం సరదా కోసం చేసే ‘అలుక’ లేదా ఒక సాంప్రదాయం అని కొందరు అంటుంటే..
మరికొందరు మాత్రం, ఇది అత్తవారి కుటుంబంపై అనవసరమైన ఒత్తిడి తీసుకురావడమేనని, ఇలాంటి ప్రవర్తన ఆధునిక కాలంలో ఏమాత్రం ఆమోదయోగ్యం కాదని మండిపడుతున్నారు.
