Minister Kandula Durgesh Clarification on Pawan Kalyan Disti Comments | ఉప ముఖ్యమంత్రి పవన్ కళ్యాణ్ చేసిన దిష్టి వ్యాఖ్యలు తీవ్ర వివాదంగా మారిన విషయం తెల్సిందే. పవన్ వ్యాఖ్యలపై తెలంగాణ మంత్రులు, ఇతర నేతలు భగ్గుమన్నారు. ఈ నేపథ్యంలో పవన్ చేసిన వ్యాఖ్యలపై వివరణ ఇచ్చారు మంత్రి, జనసేన నేత కందుల దుర్గేశ్. ఈ మేరకు గురువారం ఆయన మీడియాతో మాట్లాడారు. కోనసీమ జిల్లా పర్యటనలో భాగంగా పవన్ కళ్యాణ్ తెలంగాణ గురించి చేసిన వ్యాఖ్యలు కేవలం. సామెతగా చేసినవి మాత్రమే అని అంతేకాని ఎవరిని కించపరచడానికి ఈ వ్యాఖ్యలు చేయలేదన్నారు.
పవన్ కళ్యాణ్ కు తెలంగాణ పట్ల అమితమైన ప్రేమ ఉందన్నారు. తెలంగాణ పట్ల అమితమైన అభిమానం చూపించి ఏ చిన్న ప్రకృతి వైపరిత్యం వచ్చినా పవన్ కళ్యాణ్ పెద్ద ఎత్తున సహాయం చేశారని పేర్కొన్నారు. ఉప ముఖ్యమంత్రి అవ్వడానికంటే ముందు కూడా ఏపీకి ఎంత సహాయం చేశారో తెలంగాణకు కూడా అంతే చేశారని తెలిపారు. జనసేన పార్టీ ఏపీతో పాటు తెలంగాణలో కూడా క్రియాశీలకంగా ఉందన్నారు. తెలంగాణ గొప్పతనాన్ని పవన్ అనేకసార్లు కొనియాడారని అలాగే సినిమాల ద్వారా తెలంగాణ కళాకారులను ప్రోత్సహించారని పేర్కొన్నారు.
