YS Avinash Reddy Arrest News | మాజీ ముఖ్యమంత్రి, వైసీపీ అధినేత ప్రాతినిధ్యం వహిస్తున్న పులివెందుల నియోజకవర్గంలో రెండు జెడ్పీటీసీ స్థానాల్లో ఉప ఎన్నికలకు మంగళవారం పోలింగ్ మొదలయ్యింది.
పులివెందుల, ఒంటిమిట్ట జెడ్పీటీసీ స్థానాల ఉప ఎన్నికలను కూటమి, వైసీపీ ప్రతిష్టాత్మకంగా తీసుకున్నాయి. అయితే మంగళవారం తెల్లవారుజామున కడప ఎంపీ అవినాష్ రెడ్డిని పోలీసులు అదుపులోకి తీసుకున్నారు.
ఈ క్రమంలో అవినాష్ రెడ్డి ఇంటి వద్ద ఉద్రిక్త పరిస్థితులు నెలకొన్నాయి. కాగా అవినాష్ రెడ్డి అరెస్టుపై వైసీపీ స్పందించింది. ఇది అక్రమ అరెస్ట్ అని, దీనిని తీవ్రంగా ఖండిస్తున్నట్లు స్పష్టం చేసింది.
అవినాష్ కు కనీసం చెప్పులు కూడా వేసుకునే సమయం ఇవ్వలేదని పోలీసుల తీరుపై జగన్ పార్టీ మండిపడింది. కూటమి ప్రభుత్వ రిగ్గింగ్ కు అడ్డుపడుతాడనే భయంతోనే పోలింగ్ ముంగిట అవినాష్ ను అరెస్ట్ చేశారని వైసీపీ పేర్కొంది.
