Matt Henry ruled out of IND vs NZ Champions Trophy 2025 Final ? | ఐసీసీ ఛాంపియన్స్ ట్రోఫీ – 2025 తుది పోరుకు సర్వం సిద్ధమయ్యింది.
ఆస్ట్రేలియా ను చిత్తు చేసి భారత్, సౌత్ ఆఫ్రికాను ఓడించిన న్యూజీలాండ్ ఫైనల్ కు చేరుకున్న విషయం తెల్సిందే. దుబాయ్ వేదికగా ఆదివారం టీం ఇండియా-న్యూజీలాండ్ ఛాంపియన్స్ ట్రోఫీ కోసం తలపడేందుకు సన్నాహాలు చేసుకుంటున్నాయి.
అయితే ఫైనల్ మ్యాచ్ కంటే ముందు న్యూజీలాండ్ జట్టుకు భారీ ఎదురుదెబ్బ తగిలే అవకాశం ఉన్నట్లు తెలుస్తోంది. ఆ జట్టు స్టార్ బౌలర్, ప్రస్తుత ఛాంపియన్స్ ట్రోఫీలో అత్యధిక వికెట్లు తీసుకున్న మ్యాట్ హెన్రీ ( Matt Henry )ఫైనల్ కు దూరం అయ్యే సూచనలు కనిపిస్తున్నాయి. సెమీస్ లో సౌత్ ఆఫ్రికా తో కివీస్ తలపడింది.
ఈ మ్యాచ్ సందర్భంగా, హెన్రిచ్ క్లాసెన్ ఆడిన బంతిని క్యాచ్ పట్టే క్రమంలో మ్యాట్ హెన్రీ భుజానికి తీవ్ర గాయమయ్యింది. దింతో అతను ఇబ్బంది పడుతూ, మైదానాన్ని వీడారు. ఇప్పటివరకు ఈ స్టార్ బౌలర్ గాయం నుండి కొలుకోలేదని తెలుస్తోంది.
భుజంపై పడడంతో ప్రస్తుతం మ్యాట్ ఇబ్బందిపడుతున్నాడని, ఒకవేళ అతను బౌలింగ్ చేయగలిగితే తమకు పాజిటివ్గా ఉంటుందని కోచ్ గ్యారీ స్టీడ్ ( Gary Stead ) తెలిపారు. ఒకవేళ హెన్రీ ఫైనల్ మ్యాచ్ కు దూరం అయితే టీం ఇండియా కు మంచి అవకాశం లభించనట్లే అవుతందని అభిప్రాయం వ్యక్తం అవుతోంది. ఎందుకంటే లీగ్ దశలో భారత్-న్యూజిలాండ్ మధ్య జరిగిన మ్యాచ్ లో హెన్రీ ఐదు వికెట్లు తీసిన విషయం తెల్సిందే.
