Daughters Found Their Father After six years At orphanage | హైదరాబాద్ నగరంలో మనసును హత్తుకునే ఓ భావోద్వేగ ఘటన చోటు చేసుకుంది. ఆరేళ్ళ కిందట తప్పిపోయిన తండ్రిని అతని కూతుర్లు ఓ అనాథాశ్రమంలో కలిశారు.
వారి కలయిక అందర్నీ భావోద్వేగానికి గురి చేసింది. హైదరాబాద్ మాతృదేవోభవ అనాథ ఆశ్రమం ( Orphanage ) ఆరేళ్ళ క్రితం బాలయ్య అనే వ్యక్తిని చేరదీసింది. మతిస్థిమితం కోల్పోయిన వ్యక్తికి ఆ ఆశ్రమంలో చోటుకల్పించారు.
మరోవైపు బాలయ్య కూతుర్లు దివ్య, లావణ్య తప్పిపోయిన తండ్రి కోసం వెతుకుతూనే ఉన్నారు. ఈ నేపథ్యంలో తాజగా వారు మాతృదేవోభవ ఆశ్రమానికి అన్నదానం చేయడానికి కూతుర్లు వెళ్లారు.
ఈ సందర్భంగా ఆశ్రమంలో ఆరేళ్ళ క్రితం తప్పిపోయిన తండ్రిని చూసి, ఒక్కసారిగా భావోద్వేగానికి గురయ్యారు. తండ్రిని హత్తుకుని కన్నీరు పెట్టుకున్నారు. కూతుర్లను గుర్తుపట్టిన తండ్రి బాలయ్య కూడా ఏడ్చారు. మనవళ్ళు, మనవరాళ్లను కలిశారు.
అనంతరం బాలయ్యను కూతుర్లు తమ వెంట తీసుకెళ్లారు. ఈ ఘటన మానవ సంబంధాల ఎలా ఉంటాయో అద్భుతంగా అద్దం పట్టింది. ప్రస్తుతం ఈ వీడియో సోషల్ మీడియాలో తెగ వైరల్ ( Viral ) గా మారింది.
