Janwada Farmhouse Party News | జన్వాడ లోని రిజర్వ్ కాలనీలోని రాజ్ పాకాల ( Raj Pakala )ఫార్మ్ హౌస్ లో శనివారం రాత్రి భారీ శబ్దాలతో పార్టీని నిర్వహిస్తున్నట్లు సమాచారం అందుకున్న సైబరాబాద్ ఎస్ఓటి ( Cyberabad SOT )పోలీసులు తనిఖీలు చేపట్టారు.
ఈ పార్టీలో 21 మంది పురుషులు, 14 మంది మహిళలు పాల్గొన్నట్లు గుర్తించారు. డ్రగ్స్ పరీక్షలు నిర్వహించిన పోలీసులు రాజ్ పాకాల స్నేహితుడు విజయ్ మద్దూరి కోకైన్ తీసుకున్నట్లు నిర్దారించారు. ఈ క్రమంలో NDPS చట్టం కింద కేసును నమోదు చేశారు.
ఈ కేసులో భాగంగానే రాజ్ పాకాలకు నోటీసులు అందించారు. ఈ నేపథ్యంలో జన్వాడ ఫార్మ్ హౌస్ కేసుకు సంబంధించి కేటీఆర్ ( KTR ) బావమరిది రాజ్ పాకాల బుధవారం మోకిల పోలీసుల ఎదుట హాజరయ్యారు. న్యాయవాదితో పాటు రాజ్ పాకాల విచారణకు హాజరయ్యారు. ఈ క్రమంలో జన్వాడ ఫార్మ్ హౌస్ పార్టీకి సంబంధించి పోలీసులు విచారిస్తున్నారు.
