KTR On Group 1 Exam | బీఆరెస్ వర్కింగ్ ప్రెసిడెంట్ కేటీఆర్ ( KTR ) ఇంటివద్ద పోలీసులు భారీగా మోహరించారు. గ్రూప్ 1 పరీక్ష సోమవారం మధ్యాహ్నం ప్రారంభం కానుంది.
ఈ నేపథ్యంలో గ్రూప్ పరీక్షా అభ్యర్థులతో కలిసి కేటీఆర్ ఆందోళనకు దిగే అవకాశం ఉందనే అనుమానంతో పోలీసులు ముందస్తు చర్యలు చేపట్టారు. అశోక్ నగర్ ( Ashok Nagar )వెళ్తారనే అనుమానంతో పోలీసులు నందినగర్ ( Nandi Nagar ) లోని కేటీఆర్ నివాసం వద్దకు చేరుకున్నారు.
ఈ క్రమంలో తాను ఏమైనా దొంగతనానికి వెళ్తున్నానా అంటూ కేటీఆర్ పోలీసులను ప్రశ్నించారు. అశోక్ నగర్ వెళ్ళాలి అనుకుంటే ముందుగానే సమాచారం ఇస్తానని కేటీఆర్ పోలీసులకు చెప్పారు. కేటీఆర్ తో పాటు మరికొంతమంది బీఆరెస్ నాయకుల ఇంటివద్ద బందోబస్తు నిర్వహిస్తున్నారు.