Nitin Gadkari On Prime Minister Post Offer | కేంద్రమంత్రి నితిన్ గడ్కరీ ( Nitin Gadkari ) కీలక వ్యాఖ్యలు చేశారు. గతంలో తనకు ప్రధాని అయ్యే అవకాశం వచ్చిందని, ఓ విపక్ష నేత తనకు ఆఫర్ ( Offer ) ఇచ్చినట్లు గుర్తుచేసుకున్నారు.
ఈ మేరకు నాగపూర్ ( Nagpur ) లో శనివారం జరిగిన జర్నలిస్టు అవార్డ్స్ కు నితిన్ గడ్కరీ ముఖ్య అతిథిగా హాజరయ్యారు. ఈ సందర్భంగా మాట్లాడుతూ..సార్వత్రిక ఎన్నికల సమయంలో ఓ ప్రతిపక్ష నేత ప్రధానమంత్రి పదవిని ఆఫర్ చేసినట్లు చెప్పారు.
ప్రధాని రేసులో ఉంటే, తాము మద్దతు ఇస్తామని సదరు నాయకుడు చెప్పినట్లు గడ్కరీ పేర్కొన్నారు. అయితే ఆ విపక్ష నాయకుడు ఎవరు ?..ఏ సమయంలో ఆఫర్ ఇచ్చారు అనే విషయాన్ని గడ్కరీ చెప్పలేదు.
కానీ తనకు ప్రధాని అవ్వడం లక్ష్యం కాదని, పదవుల కోసం సిద్ధాంతాల విషయంలో రాజీ పడేదే లేదని ఆఫర్ చేసిన నేతకు తాను స్పష్టం చేసినట్లు కేంద్రమంత్రి తెలిపారు.
‘ నాకు మద్దతు ఎందుకిస్తారు ?..మీ మద్దతును నేను ఎందుకు అంగీకరించాలని’ ప్రతిపక్ష నేతను ప్రశ్నించినట్లు ఆయన తెలిపారు.
