- నెలకు ₹60,000 సంపాదిస్తూ సోషల్ మీడియాలో వైరల్!
Woman Leaves IT Job For Auto Driving | కార్పొరేట్ ప్రపంచంలో పెరిగిపోతున్న పని ఒత్తిడి, ప్రైవేట్ ఉద్యోగాలలో వర్క్-లైఫ్ బ్యాలెన్స్ లేకపోవడంపై ప్రస్తుతం సోషల్ మీడియాలో పెద్ద ఎత్తున చర్చ సాగుతోంది.
ఈ క్రమంలోనే ఐటీ (IT) సెక్టార్లో మంచి ఉద్యోగాన్ని వదిలేసి, ఆటో రిక్షా డ్రైవింగ్ను వృత్తిగా ఎంచుకున్న ఒక మహిళా సాఫ్ట్ వేర్ ఉద్యోగి కథనం ఇప్పుడు ఇంటర్నెట్ను షేక్ చేస్తోంది.
సాంప్రదాయ కెరీర్ పద్ధతులను బద్దలు కొట్టి ఆమె తీసుకున్న ఈ సాహసోపేతమైన నిర్ణయానికి నెటిజన్లు ఫిదా అవుతున్నారు.
ఐటీ పరిశ్రమలో సుదీర్ఘ గంటల పని వేళలు, నిరంతర ఆఫీస్ ఒత్తిడి కారణంగా ఆమె తన వ్యక్తిగత జీవితాన్ని సమతుల్యం చేసుకోలేక తీవ్ర ఇబ్బందులు పడింది. ఈ కార్పొరేట్ నరకానికి ముగింపు పలకాలని నిర్ణయించుకున్న ఆమె, ఐటీ ఇండస్ట్రీని వదిలిపెట్టి ఆటో నడపడం ప్రారంభించింది.
మొదట్లో ఈ నిర్ణయం అందరినీ ఆశ్చర్యపరిచినప్పటికీ, ఇప్పుడు ఆమె తన సొంత పని వేళలను (Schedule) తానే నిర్ణయించుకుంటూ ప్రశాంతమైన జీవనాన్ని సాగిస్తోంది. ప్రస్తుతం ఆమె ఆటో డ్రైవింగ్ ద్వారా నెలకు సుమారు రూ. 60,000 సంపాదిస్తూ, గతంలో కంటే ఎంతో సంతోషంగా ఉన్నానని సగర్వంగా చెబుతోంది.
నెటిజన్ల ఆసక్తికర కామెంట్స్..
ఈమె సక్సెస్ స్టోరీ ఇన్ స్టాగ్రామ్ రీల్స్, ఎక్స్ (ట్విట్టర్) లలో వైరల్ అవ్వడంతో నెటిజన్ల నుండి క్రేజీ రెస్పాన్స్ వస్తోంది.
ఒక నెటిజన్ స్పందిస్తూ.. తాను 18 ఏళ్లుగా ఐటీ ఫీల్డ్ లో ఉన్నానని, ఒక చిన్న ఈమెయిల్ తో ముగిసిపోయే విషయానికి కూడా గంటల కొద్దీ మీటింగ్లు పెట్టడం, అర్థరాత్రి ప్రొడక్షన్ ఇష్యూస్ రావడం లాంటి వాటిని భరిస్తూ ఎమోషనల్ రెసిలియెన్స్ పెంచుకున్నానని తన బాధను పంచుకున్నారు.
ఆఖరికి అందరికీ కావలసింది మనశ్శాంతి మాత్రమేనని మరో యూజర్ ఆమెను అభినందించారు.
5 భారత్ ట్రక్కుల యజమాని అయినా..
ఈ సందర్భంగా ఉత్తరప్రదేశ్కు చెందిన ఒక ఆటో డ్రైవర్ సక్సెస్ స్టోరీని మరో యూజర్ గుర్తుచేశారు. ఆ వ్యక్తి గతంలో ఉద్యోగాన్ని వదిలి ఆటో నడపడం ప్రారంభించాడు.
15 ఏళ్లలో తన బిజినెస్ ని విస్తరించి ఏకంగా ఐదు ‘భారత్ ట్రక్కులకు’ యజమాని అయ్యాడు. సుమారు రూ. 5 కోట్ల ఆస్తిని కూడబెట్టినా కూడా అతను ఇప్పటికీ హుందాగా ఆటో నడుపుతూ ఆశ్చర్యపరిచాడు.
ఈ ఐటీ మహిళా డ్రైవర్ కూడా గతంలో ఐటీలో సంపాదించిన రూ. 50 లక్షల నుండి రూ. 2 కోట్ల వరకు బ్యాంక్ బ్యాలెన్స్ సేవ్ చేసుకుని ఉండి ఉంటుందని, కేవలం స్వేచ్ఛ కోసమే ఈ వృత్తిలోకి వచ్చిందని మరికొందరు అంచనా వేస్తున్నారు.
