– ఓటమిని తట్టుకోలేక కన్నీటి పర్యంతమైన యువ సంచలనం..
– కేకేఆర్ స్టాఫ్ ఓదార్పు
Vaibhav Suryavanshi crying video | ఐపీఎల్ చరిత్రలో అతి చిన్న వయసులోనే అడుగుపెట్టి రికార్డు సృష్టించిన వైభవ్ సూర్యవంశీ, ఆదివారం కోల్‌కతా నైట్ రైడర్స్ (KKR)తో జరిగిన మ్యాచ్‌లో భావోద్వేగానికి లోనయ్యాడు.
రాజస్థాన్ రాయల్స్ వరుసగా రెండో ఓటమిని చవిచూడటంతో, మ్యాచ్ ముగిసిన తర్వాత వైభవ్ బౌండరీ లైన్ వద్ద కూర్చుని కన్నీరు పెట్టుకున్నాడు.
రాజస్థాన్ రాయల్స్ ఓపెనర్‌గా బరిలోకి దిగిన వైభవ్, కేవలం 28 బంతుల్లోనే 46 పరుగులు చేసి జట్టుకు మంచి ఆరంభాన్ని ఇచ్చాడు. వైభవ్ నిష్క్రమించిన తర్వాత రాజస్థాన్ మిడిల్ ఆర్డర్ తడబడటంతో, నిర్ణీత 20 ఓవర్లలో 155 పరుగులకే పరిమితమైంది.
స్వల్ప లక్ష్యంతో బరిలోకి దిగిన కేకేఆర్‌ను రాజస్థాన్ బౌలర్లు కట్టడి చేసినప్పటికీ, చివరి ఓవర్లలో రింకూ సింగ్ ధాటిగా ఆడి కోల్‌కతాకు ఈ సీజన్‌లో తొలి విజయాన్ని అందించాడు.
హైదరాబాద్ (SRH) మరియు కేకేఆర్ చేతిలో వరుసగా రాజస్థాన్ ఓడిపోవడాన్ని వైభవ్ జీర్ణించుకోలేకపోయాడు. ఏకాంతంగా ఏడుస్తున్న వైభవ్ వద్దకు కేకేఆర్ సపోర్టింగ్ స్టాఫ్ మరియు సీనియర్ ఆటగాళ్లు వెళ్లి అతడిని ఓదార్చారు.
“గెలుపోటములు క్రీడలో భాగమని, ఈ వయసులో నీ పోరాటం అద్భుతమని” వారు అతడిని అభినందించారు. ఈ వీడియో ప్రస్తుతం సోషల్ మీడియాలో విపరీతంగా వైరల్ అవుతోంది.
