- అత్యున్నత పౌర పురస్కారం ‘బింతాంగ్ ఆదిపూర్ణ’ ప్రదానం!
Indonesia Honors PM Modi With Bintang Adipurana | భారత ప్రధాని నరేంద్ర మోదీకి ఇండోనేషియా దేశం అత్యంత అరుదైన గౌరవాన్ని అందించింది.
భారత్-ఇండోనేషియా దేశాల మధ్య ద్వైపాక్షిక సంబంధాల బలోపేతానికి ప్రధాని మోదీ చేసిన విశేష కృషికి గానూ, ఆ దేశ అత్యున్నత పౌర పురస్కారం ‘బింతాంగ్ ఆదిపూర్ణ’ (Bintang Adipurna) అవార్డును ఇండోనేషియా ప్రభుత్వం ఆయనకు ప్రకటించింది.
ఇండోనేషియా పర్యటనలో భాగంగా జకార్తాలోని ప్రెసిడెన్షియల్ ప్యాలెస్‌లో అత్యంత ఘనంగా జరిగిన అధికారిక కార్యక్రమంలో ఆ దేశ అధ్యక్షుడు ప్రబోవో సుబియాంటో చేతుల మీదుగా ప్రధాని మోదీ ఈ అత్యున్నత జాతీయ పతకాన్ని అందుకున్నారు.
అత్యున్నత జాతీయ గౌరవం..
దేశ ఐక్యత, శ్రేయస్సుకు అంతర్జాతీయ స్థాయిలో విశేష సేవలందించిన అత్యున్నత నేతలకు మాత్రమే ఈ ప్రతిష్టాత్మక పతకాన్ని ఇండోనేషియా బహుకరిస్తుంది.
అవార్డు ప్రదానోత్సవం అనంతరం జకార్తా ప్యాలెస్‌లో ప్రధాని నరేంద్ర మోదీ, అధ్యక్షుడు ప్రబోవో సుబియాంటోల మధ్య కీలక ద్వైపాక్షిక చర్చలు జరిగాయి.
కీలక రంగాలపై ఒప్పందాలు..
ఇరు దేశాల మధ్య రక్షణ రంగాలు, సముద్రయాన భద్రత, మరియు వాణిజ్య బంధాల బలోపేతంపై ఇరు నేతలు సుదీర్ఘంగా చర్చించారు.
ముఖ్యంగా ఇండో-పసిఫిక్ ప్రాంతంలో వ్యూహాత్మక భాగస్వామ్యాన్ని మరింత బలంగా ముందుకు తీసుకెళ్లాలని భారత్-ఇండోనేషియా సంయుక్తంగా నిర్ణయించుకున్నాయి.
