KTR Satires On Congress | BRS Party వర్కింగ్ ప్రెసిడెంట్ కేటీఆర్(KTR) కాంగ్రెస్ (Congress) నాయకుల పై వ్యంగ్యాస్త్రాలు సంధించారు. మంగళవారం నాడు హైదరాబాద్ లో తెలంగాణ బిల్డర్స్ ఫెడరేషన్ సమావేశంలో పాల్గొన్నారు కేటీఆర్.
ఈ సందర్భంగా ఆయన మాట్లాడుతూ కాంగ్రెస్ అధికారంలోకి వస్తే ఆరు గ్యారంటీలు ఏమో గాని ప్రతి ఆరు నెలలకు ఒక సీఎం మారడం మాత్రం గ్యారంటీ అంటూ ఎద్దేవా చేశారు.
కాంగ్రెస్ అధికారంలోకి వస్తే నిత్యం పదవుల కొట్లాటలు ఉంటాయని పేర్కొన్నారు కేటీఆర్. తెలంగాణ కు స్టేబుల్ గవర్నమెంట్, ఎబుల్ లీడర్ షిప్ అవసరమని తెలిపారు.
Read Also: ఆయన అహంకారం ఏందో అర్థమైతలేదు: కేసీఆర్!
మాజీ మంత్రి జానారెడ్డి (JanaReddy) ఎమ్మెల్యే లాగా కూడా పోటీ చేయకున్న ముఖ్యమంత్రి కావాలని కలలు మాత్రం వదులుకోలేదని, పదవులు తనను వెతుక్కుంటూ వస్తాయని మాట్లాడుతున్నారని జానారెడ్డి పై సెటైర్లు వేశారు కేటీఆర్.
ఆయనకు 75 ఏళ్ళు వచ్చిన ముఖ్యమంత్రి పదవి పై మోజు మాత్రం పోవట్లేదని ఎద్దేవా చేశారు కేటీఆర్. అలాగే కాంగ్రెస్ పార్టీలో 11 మంది ముఖ్యమంత్రి పదవి కోసం పోటీ పడుతున్నారుని ధ్వజమెత్తారు.
