Trivikram-Venkatesh’s Film Titled Aadarsha Kutumbam House No. 47 | అభిమానులు ఎంతో ఆసక్తిగా ఎదురుచూస్తున్న త్రివిక్రమ్-వెంకటేష్ చిత్రం పట్టాలెక్కింది. బుధవారం నుంచి రెగ్యులర్ షూటింగ్ ప్రారంభం అయ్యింది. ఈ సినిమాకు ‘ఆదర్శ కుటుంబం’ అని టైటిల్ ను ఖరారు చేస్తూ మేకర్స్ వెంకటేష్ ఫస్ట్ లుక్ ను విడుదల చేశారు.
అలాగే హౌస్ నంబర్ 47, AK-47 అనే ట్యాగ్ లైన్ తో ఈ మూవీ టైటిల్ ఆసక్తిగా ఉంది. విక్టరీ వెంకటేష్ కథానాయకుడిగా వచ్చిన ‘నువ్వు నాకు నచ్చావ్’ , ‘మల్లీశ్వరి’ సినిమాలకు దర్శకుడు త్రివిక్రమ్ స్క్రిప్ట్ ని అందించారు. చాలా ఏళ్ల గ్యాప్ తర్వాత ఈ ఇద్దరి కాంబోలో ఒక మూవీ వస్తుండడంతో భారీ అంచనాలు నెలకొన్నాయి.
ఇకపోతే ఈ సినిమా హారిక అండ్ హాసిని క్రియేషన్స్ పతాకంపై రాధాకృష్ణ నిర్మిస్తున్నారు. ఇకపోతే అనిల్ రావిపూడి-మెగాస్టార్ చిరంజీవి కాంబోలో వస్తున్న ‘మన శంకర వరప్రసాద్’ మూవీలో వెంకటేష్ అతిథి పాత్రలో కనిపించనున్నారు.
