CM Chandrababu wishes Deputy CM Pawan Kalyan a speedy recovery | గత కొన్నిరోజులుగా తీవ్ర జ్వరం, దగ్గుతో బాధపడుతున్న ఉప ముఖ్యమంత్రి పవన్ కళ్యాణ్ ని ముఖ్యమంత్రి చంద్రబాబు పరామర్శించారు. ఆదివారం హైదరాబాద్ లోని పవన్ నివాసానికి వెళ్లిన చంద్రబాబు ఆయన ఆరోగ్యంపై ఆరా తీశారు.
ఈ సందర్భంగా ఆరోగ్యపరంగా జాగ్రత్తగా ఉండాలని సీఎం సూచించారు. అలాగే త్వరగా కోలుకోవాలని ఆకాంక్షించారు. కాగా పవన్ కళ్యాణ్ వైరల్ ఫీవర్ తో బాధపడుతున్నట్లు ఆయన కార్యాలయం తెలిపిన విషయం తెల్సిందే. వైద్య పరీక్ష నిమిత్తం మూడు రోజుల కిందట పవన్ మంగళగిరి నుంచి హైదరాబాద్ వచ్చారు.
