Death Threat To Cm Yogi Adityanath | ఉత్తర్ ప్రదేశ్ ( Uttar Pradesh ) ముఖ్యమంత్రిని హత్య చేస్తామంటూ గుర్తుతెలియని వ్యక్తులు బెదిరింపులకు పాల్పడడం కలకలం రేపింది. ఈ మేరకు ముంబయి పోలీస్ ( Mumbai Police ) కంట్రోల్ రూమ్ కు శనివారం సాయంత్రం ఓ మెసేజ్ వచ్చింది.
యోగి పదిరోజుల్లో ముఖ్యమంత్రి పదవికి రాజీనామా చేయాలని, లేదంటే మహారాష్ట్ర మాజీ మంత్రి బాబా సిద్దిఖీ ( Baba Siddique ) లాగే యోగిని హత్య చేస్తామని వార్నింగ్ ఇచ్చారు. అప్రమత్తం అయిన పోలీసులు సీఎం యోగి సెక్యూరిటీ సిబ్బందిని అలెర్ట్ ( Alert ) చేశారు.
మరోవైపు కేసు నమోదు చేసి ఈ బెదిరింపులు చేసింది ఎవరు అనే దానిపై విచారణ ముమ్మరం చేశారు. ఇదిలా ఉండగా ఎన్సీపీ సీనియర్ నాయకులు బాబా సిద్దిఖీని లారెన్స్ బిష్ణోయ్ గ్యాంగ్ ( Lawrence Bishnoi Gang ) సభ్యులు కాల్చి చంపిన విషయం తెల్సిందే.
బాలీవుడ్ స్టార్ సల్మాన్ ఖాన్ ( Salman Khan ) కు సన్నిహితంగా ఉండడం వల్లనే హత్య చేసినట్లు లారెన్స్ గ్యాంగ్ తెలిపింది. తాజగా యోగి ఆదిత్యనాథ్ కు కూడా బెదిరింపులు రావడం సంచలనంగా మారింది.
