Telangana Election Result News| ఎన్నికల్లో మిత్ర పక్షం సీపీఐ ( CPI ) తో కలిసి 65 సీట్లు గెలిచి స్పష్టమైన మెజారిటీ సాధించిన కాంగ్రెస్ పార్టీ ( Congress Party )ప్రభుత్వాన్ని ఏర్పాటు కు సిద్ధం అయ్యింది.
మరోవైపు బీఆరెస్ ( BRS ) 39 సీట్లకే పరిమితం అయ్యింది. ఈ నేపథ్యంలో సంచలన వ్యాఖ్యలు చేశారు మాజీ మంత్రి, స్టేషన్ ఘనపూర్ ( Station Ghanpur ) ఎమ్మెల్యే కడియం శ్రీహరి ( Kadiyam Srihari ).
ఎమ్మెల్యే ( MLA ) గా నెగ్గిన తర్వాత విజయోత్సవ ర్యాలీలో పాల్గొని ప్రసంగించిన ఆయన ఈ మేరకు మాట్లాడుతూ..పార్టీ అధికారం లోకి రాలేదని ఎవరు భయపడాల్సిన పని లేదని స్పష్టం చేశారు.
ఆరు నెలల, సంవత్సరమా, రెండు సంవత్సరాల తెలీదు కానీ మళ్ళీ ప్రభుత్వం బీఆరెస్ దే, మన సీఎం కేసీఆరే ( KCR ) అంటూ సంచలన వ్యాఖ్యలు చేశారు. కాంగ్రెస్ పార్టీకి బొటా బోటి మెజారిటీ వచ్చింది దానిని కాపాడుకుంటారా లేదా అనేది చూడాలి అంటూ అనుమానం వ్యక్తపరిచారు.
ప్రజలు మార్పు కోరుకున్నారని, ప్రజాతీర్పును శిరసా వహిస్తామని, పటిష్టమైన ప్రతిపక్షంగా వ్యవహరిస్తామని తెలిపారు.
