Sreeleela About Her Crush Qualities | టాలీవుడ్ లో వరుస అవకాశాలతో టాప్ గేర్ లో దూసుకుపోతోంది పదహారణాల తెలుగమ్మాయి శ్రీలీల.
ప్రస్తుతం ఆమె నటించిన సినిమాలు విడుదలకు సిద్ధంగా ఉన్నాయి. మరో రెండు మూడు ప్రాజెక్టులు షూటింగ్ లో ఉన్నాయి.
ఇదిలా ఉండగా, తనకు కాబోయే భర్త ఎలా ఉండాలీ.. ఏమేం క్వాలీటీస్ ఉండాలీ.. లాంటి అంశాలను ఓ ఇంటర్వ్యూలో చెప్పుకొచ్చింది అందాలభామ శ్రీలీల.
‘నన్ను పెళ్లి చేసుకోబోయేవాడికి ముచ్చటగా మూడు లక్షణాలుండాలి. అవి కూడా చాలా సింపుల్‌ క్వాలిటీస్.
ఫస్ట్.. కొన్ని విషయాల్లో నన్ను భరించడం చాలా కష్టం. కానీ ఆ కష్టాన్ని కూడా ఇష్టంగా భావించాలి.. భరించాలి. రెండోది.. తనకు మంచి సెన్సాఫ్ హ్యూమర్ ఉండాలి.. సరదాగా నవ్విస్తుండాలి..
మూడోది.. కాస్త ఫ్యామిలీ టైప్‌గా పద్దతిగా అందంగా ఉండాలి. ఈ మూడు గుణాలు ఉంటే చాలు.’ అంటూ సిగ్గుపడుతూ చెప్పుకొచ్చింది శ్రీలీల.
ఇప్పటి వరకు అలాంటి వాడు తనకు తారసపడలేదనీ, ఒక వేళ కనిపించినా కాన్సన్‌ట్రేట్‌ చేసేంత టైమ్‌ తనకు లేదని చెప్పింది.
