Malla Reddy News | మాజీ మంత్రి మల్లారెడ్డి తనదైన స్టైల్ లో ప్రచారం చేస్తూ వార్తల్లో నిలిచారు. జూబ్లీహిల్స్ ఉప ఎన్నికలో భాగంగా బీఆరెస్ నాయకులు జోరుగా ప్రచారం నిర్వహిస్తున్నారు. ఇందులో భాగంగా మల్లారెడ్డి సైతం రంగంలోకి దిగారు. ఇంటింటి ప్రచారం చేస్తూ సందడి చేశారు.
‘కాంగ్రెస్ బాకీ కార్డు’లను పంపిణీ చేసిన మల్లారెడ్డి ప్రచారం మధ్యలో చిన్నారులను ఎత్తుకుని సరదాగా కాసేపు డాన్స్ చేశారు. అనంతరం ఓ కటింగ్ షాపుకు వెళ్లారు. అక్కడ ఓ వ్యక్తికి కటింగ్ చేశారు. దీనికి సంబంధించిన వీడియో వైరల్ గా మారింది. జూబ్లీహిల్స్ ఉప ఎన్నికలో గులాబీ పార్టీ అభ్యర్థి ఘన విజయం సాధించడం ఖాయం అని ధీమా వ్యక్తం చేశారు. ఇదిలా ఉండగా జూబ్లీహిల్స్ ఉప ఎన్నికలో కాంగ్రెస్ తరఫున నవీన్ యాదవ్, బీఆరెస్ తరఫున దివంగత మాగంటి గోపీనాథ్ సతీమణి సునీత పోటీ పడుతున్నారు. బీజేపీ తమ అభ్యర్థిని ఇంకా ప్రకటించలేదు.
