Commercial Gas Price Hike | కమర్షియల్ గ్యాస్ సిలిండర్ ధరలు సామాన్యులకు, వ్యాపారులకు షాక్ ఇచ్చాయి.
చమురు సంస్థలు 19 కేజీల కమర్షియల్ గ్యాస్ సిలిండర్ ధరను ఒక్కసారిగా రూ. 993 పెంచుతూ నిర్ణయం తీసుకున్నాయి. ఈ పెంపుతో దేశవ్యాప్తంగా కమర్షియల్ సిలిండర్ ధరలు రూ. 3,000 మార్కును దాటేశాయి.
19 కేజీల కమర్షియల్ సిలిండర్ పై రూ. 993 మేర ధరను పెంచారు. ఈ పెంపుతో ఢిల్లీలో సిలిండర్ ధర రూ. 3,071కి చేరుకోగా, హైదరాబాద్లో రూ. 3,315గా నమోదైంది.
5 కేజీల గ్యాస్ సిలిండర్ పై కూడా కేంద్రం రూ. 261 పెంచింది, దీంతో దీని ధర రూ. 900 దాటేసింది. డొమెస్టిక్ (గృహ వినియోగ) సిలిండర్ ధరల్లో ఎలాంటి మార్పు లేకపోవడం ఒక్కటే సామాన్య గృహిణులకు ఉపశమనం కలిగించే అంశం.
ఇరాన్-అమెరికా దేశాల మధ్య కొనసాగుతున్న ఉద్రిక్తతలు ప్రపంచ ఇంధన మార్కెట్పై తీవ్ర ప్రభావం చూపుతున్నాయి.
ప్రపంచ చమురు రవాణాలో కీలకమైన ‘హార్మూజ్ జలసంధి’ (Strait of Hormuz) గుండా రవాణాకు ఆటంకాలు ఏర్పడటంతో అంతర్జాతీయంగా ముడిచమురు ధరలు రికార్డు స్థాయికి చేరాయి.
ఈ అనిశ్చితి వల్ల గ్యాస్ ధరలను పెంచక తప్పడం లేదని చమురు సంస్థలు చెబుతున్నాయి. మార్చి నెలలో రూ. 144, ఏప్రిల్లో రూ. 195 పెంపు తర్వాత, ఇప్పుడు మే నెలలో ఏకంగా రూ. 993 పెంచడం వ్యాపార వర్గాల్లో ఆందోళన కలిగిస్తోంది.
