Nara Rohit weds Sireesha | తెలుగు సినీ పరిశ్రమలో మరో నటుడు ఓ ఇంటివాడయ్యాడు. ఏపీ సీఎం చంద్రబాబు సోదరుని కుమారుడు, నటుడు నారా రోహిత్ వివాహం శిరీషతో వివాహం హైదరాబాద్లో అంగరంగ వైభవంగా జరిగింది ఈ వేడుకకు సీఎం చంద్రబాబు, మంత్రి నారా లోకేశ్ సహా కుటుంబ సభ్యులతో హాజరై నూతన వధూవరులను ఆశీర్వదించారు.
ఈ సందర్భంగా చంద్రబాబు, లోకేశ్ సోషల్ మీడియా వేదికగా తమ ఆనందాన్ని పంచుకున్నారు. “మా ఇంటి పెళ్లి సందడి. నా సోదరుడు దివంగత నారా రామ్మూర్తి నాయుడు దివ్య ఆశీస్సులతో తనయుడు నారా రోహిత్, శిరీషల వివాహ వేడుకను అంగరంగ వైభవంగా చేశాం.
నూతన వధూవరులకు అక్షింతలు వేసి ఆశీస్సులు అందజేశాం. మా రోహిత్ ఒక ఇంటివాడు అవుతున్న శుభ సందర్భం మా కుటుంబానికి ఒక పండుగ. మా నారావారి ఆహ్వానం మన్నించి పెళ్లికి విచ్చేసి కొత్త జంటకు శుభాకాంక్షలు తెలియజేసిన అందరికీ ధన్యవాదాలు” అని చంద్రబాబు పోస్ట్ చేశారు.
ఈ వివాహ వేడుకకు పలువురు కుటుంబ సభ్యులు, సన్నిహితులు హాజరై కొత్త జంటను ఆశీర్వదించారు. ఈ పెళ్లి వేడుకకు సంబంధించిన ఫొటోలు వైరల్ అవుతున్నాయి.
