SS Rajamouli Sends Baahubali Helmet To ‘Royal Fan’ David Warner | ఆస్ట్రేలియా మాజీ క్రికెటర్ డేవిడ్ వార్నర్ కు బాహుబలి కిరీటాన్ని పంపనున్నట్లు ప్రకటించారు దర్శకధీరుడు రాజమౌళి.
దీనిపై స్పందించిన వార్నర్ రాజమౌళికి ధన్యవాదాలు తెలిపారు. సన్ రైజర్స్ హైదరాబాద్ తరఫున ప్రాతినిధ్యం వహించిన సమయంలో వార్నర్ తెలుగు అభిమానులకు ఎంతో దగ్గరయ్యారు. ఆ తర్వాత తెలుగు పాటలకు స్టెప్పులేస్తూ, ఆ వీడియోలను సోషల్ మీడియాలో పోస్ట్ చేయడంతో వార్నర్ తెలుగువారి మనసును గెలుచుకున్నారు.
తాజగా ఆయన సోషల్ మీడియాలో ఒక పోస్ట్ చేశారు. బాహుబలి విడుదలై 10 సంవత్సరాలు అవుతున్న తరుణంలో రెండు భాగాలను కలిపి ‘బాహుబలి-ది ఎపిక్’ ను మూవీ టీం అక్టోబర్ లో విడుదల చేయనుంది. ఈ నేపథ్యంలో వార్నర్ స్పందించారు.
బాహుబలి గెటప్ లో తానున్న ఫోటోను ఇన్స్టాగ్రామ్ లో పోస్ట్ చేశారు. బాహుబలి గెటప్ తో దిగిన ఫోటో బాగుందా?, లేదా సాధారణ ఫోటో బాగుందా ? అని కాప్షన్ జతచేశారు. ఈ పోస్టుకు రాజమౌళి రిప్లై ఇచ్చారు. ‘హేయ్ డేవిడ్..నిజమైన మహిష్మతి రాజులా తయారవ్వండి. నేను కిరీటాన్ని పంపుతా’ అని రాజమౌళి పేర్కొన్నారు. కిరీటం కోసం ఎదురుచూస్తున్నట్లు వార్నర్ తెలిపారు.
