Modi In Ghana | ప్రధాన మంత్రి నరేంద్ర మోదీ (Narendra Modi) రెండు రోజుల పర్యటన నిమిత్తం ఇటీవల పశ్చిమ ఆఫ్రికా దేశం ఘనా (Ghana) వెళ్లిన విషయం తెలిసిందే. ఆ దేశంలో అడుగు పెట్టిన మోదీకి మరో అరుదైన గౌరవం దక్కింది.
ఘనా అత్యున్నత పురస్కారాన్ని మోదీ అందుకున్నారు. ఘనా అత్యున్నత పురస్కారం ‘ది ఆఫీసర్ ఆఫ్ ది ఆర్డర్ ఆఫ్ ది స్టార్ ఆఫ్ ఘనా’ అవార్డుతో ఆ దేశం మోదీని సత్కరించింది. రాజధాని ఆక్రాలో జరిగిన కార్యక్రమంలో ఘనా ప్రెసిడెంట్ అధ్యక్షుడు జాన్ మహామా ప్రధాని మోదీకి ఈ అవార్డును అందజేశారు.
ఈ సందర్భంగా మోదీ మాట్లాడుతూ 140 కోట్ల మంది భారతీయుల తరఫున ఈ అవార్డును స్వీకరిస్తున్నట్లు తెలిపారు. ఘనా దేశ జాతీయ పురస్కారంతో కలిపి ప్రధాని నరేంద్ర మోదీ అంతర్జాతీయంగా 24 దేశాల నుండి ఆయా దేశాల అత్యున్నత పౌర పురస్కారాలు అందుకున్నారు.
