Tobacco Packet In Tirumala Laddu | తిరుమల ( Tirumala ) శ్రీవారి లడ్డూలో పొగాకు పొట్లం ఉందని ఓ వార్త ఇటీవల వైరల్ గా మారింది.
ఖమ్మం రూరల్ ( Khammam Rural ) మండలం గొల్లగూడెం కు చెందిన మహిళా కు తిరుమల లడ్డూలో పొగాకు పొట్లం వచ్చినట్లు కథనాలు వచ్చాయి.
ఈ నేపథ్యంలో తిరుమల తిరుపతి దేవస్థానం ( TTD ) ఈ ఘటనపై స్పందించింది. పవిత్రమైన శ్రీవారి లడ్డు ప్రసాదంలో పొగాకు పొట్లం ఉన్నట్లు, కొంతమంది భక్తులు సోషల్ మీడియాలో వైరల్ చేయడం భావ్యం కాదని టీటీడీ పేర్కొంది.
తిరుమలలోని లడ్డు పోటులో శ్రీ వైష్ణవ బ్రాహ్మణులు అత్యంత భక్తిశ్రద్ధలతో, నియమ నిష్ఠలతో, శ్రీవారి లడ్డూలను ప్రతిరోజు లక్షలాదిగా తయారు చేస్తారని స్పష్టం చేసింది.
ఈ లడ్డూల తయారీ కూడా సీసీటీవీల పర్యవేక్షణలో ఉంటుంది, ఇంతటి పకడ్బందీగా లడ్డులు తయారు చేసే వ్యవస్థలో ఈ విధంగా పొగాకు ఉన్నట్లు ప్రచారం చేయడం శోచనీయం అని వస్తున్న వార్తలను టీటీడీ కొట్టివేసింది.
