Rahul Gandhi jabs PM over halt on Russia oil buys claim | ప్రధాని నరేంద్ర మోదీని ఉద్దేశించి అమెరికా అధ్యక్షుడు డోనాల్డ్ ట్రంప్ సంచలన వ్యాఖ్యలు చేశారు. రష్యా నుంచి చమురు కొనుగోలును ఆపేయనున్నట్లు ప్రధాని మోదీ తనకు మాటిచ్చారని ట్రంప్ చేసిన వ్యాఖ్యలు ప్రపంచ వ్యాప్తంగా చర్చకు దారి తీశాయి.
ఈ నేపథ్యంలో లోకసభలో ప్రతిపక్ష నేత రాహుల్ గాంధీ స్పందించి ప్రధానిపై ప్రశ్నల వర్షం కురిపించారు. డోనాల్డ్ ట్రంప్ ను చూసి మోదీ భయపడ్డారని ఎద్దేవా చేశారు. ‘భారత్ రష్యా నుంచి చమురు కొనుగోలు చేయదని ట్రంప్ నిర్ణయించి ప్రకటించే అనుమతిని ఇచ్చారు. పదేపదే అవమానాలు ఎదురైనప్పటికీ అభినందన సందేశాలు పంపుతూనే ఉన్నారు. కేంద్ర ఆర్థిక శాఖ మంత్రి అమెరికా పర్యటనను రద్దు చేసుకున్నాం. ఈజిప్ట్ లోని షర్మ్ ఎల్-షేక్ లో ఇటీవల జరిగిన ఇజ్రాయిల్-హమాస్ శాంతి ఒప్పంద కార్యక్రమానికి ప్రధాని హాజరు కాలేదు. ఆపరేషన్ సిందూర్పై అమెరికా అధ్యక్షుడు ట్రంప్ పదే పదే వ్యాఖ్యలు చేసినా వ్యతిరేకించలేదు’ అని రాహుల్ గాంధీ ఫైర్ అయ్యారు.
