KCR Names Fan’s Son | తెలంగాణ మాజీ ముఖ్యమంత్రి కేసీఆర్ (KCR) తన అభిమాని కుమారుడికి నామకరణం చేశారు. పరిగి నియోజక వర్గానికి చెందిన మల్లేపల్లి గ్రామానికి చెందిన దొడ్ల నర్సింహులు తెలంగాణ ఉద్యమ కారుడు.
కాగా, నర్సింహులు దంపతులకు 9 నెలల కిందట మగ బిడ్డ జన్మించాడు. అయితే తమ అభిమాన నేత కేసీఆర్ తో తన కుమారునికి నామకరణం చేయించుకోవాలని ఆ దంపతులు నిర్ణయించుకున్నారు. బాబు పుట్టిన తొమ్మిది నెలల నుండి ఎదురుచూస్తున్నారు.
కానీ కుదరలేదు. చివరగా 9 నెలల నిరీక్షణకు వైకుంఠ ఏకాదశినాడు తెరపడింది. మంగళవారం నందినగర్ నివాసానికి కుటుంబంతో వచ్చిన నర్సింహులు, అనిత దంపతులను అధినేత కేసీఆర్ ఆప్యాయంగా ఆహ్వానించారు.
ఆ దంపతుల కోరికను మన్నించి, వేద పండితుడి సలహాతో, బాబు జన్మ నక్షత్రం ప్రకారం సుమన్ అనే పేరు పెట్టారు.
