Cm Revanth Meets Union Minister Rammohan Naidu | కేంద్ర పౌర విమానయాన శాఖ మంత్రి రామ్మోహన్ నాయుడును తెలంగాణ ముఖ్యమంత్రి రేవంత్ రెడ్డి కలిశారు.
ఢిల్లీ పర్యటనలో భాగంగా మంగళవారం సీఎం రేవంత్ బృందం కేంద్రమంత్రిని కలిసింది. ఈ భేటీలో ఉపముఖ్యమంత్రి భట్టి విక్రమార్క, మంత్రి ఉత్తమ్ కుమార్ రెడ్డి మరియు ఇతర అధికారులు ఉన్నారు. ఈ సందర్భంగా వరంగల్ ఎయిర్పోర్ట్ గురించి చర్చించారు.
అయితే రాష్ట్ర ప్రభుత్వం నుండి విమానాశ్రయానికి కావలసిన భూమి బదిలీ ప్రక్రియ పూర్తయిన వెంటనే త్వరితగతిన వరంగల్ విమానాశ్రయ పనులు ప్రారంభిస్తామని కేంద్రమంత్రి హామీ ఇచ్చారు. భద్రాద్రి కొత్తగూడెం, పెద్దపల్లి- రామగుండం, ఆదిలాబాద్‌లో విమానాశ్రయాలు ఏర్పాటుపై కూడా చర్చించారు.
ప్రధాని నాయకత్వంలో సదుపాయాల అభివృద్ధికి కట్టుబడి ఉన్నట్లు రామ్మోహన్ నాయుడు స్పష్టం చేశారు. తెలంగాణ ప్రజల ఆశయాలకు అనుగుణంగా పౌర విమానయాన శాఖ తరపున పూర్తి సహకారం అందిస్తామన్నారు.
