Amazon To Cut 14000 More Jobs Next Week | దిగ్గజ ఈ-కామర్స్ సంస్థ అమెజాన్ మరికొద్ది రోజుల్లో కీలక నిర్ణయం తీసుకోనున్నట్లు అంతర్జాతీయ మీడియాలో కథనాలు వస్తున్నాయి. జనవరి 27న సుమారు 16 వేల మంది ఉద్యోగులను తొలగించేందుకు సదరు సంస్థ సిద్ధం అయినట్లు ప్రచారం జరుగుతుంది. హ్యూమన్ రీసోర్సెస్, ప్రైమ్ వీడియో, వెబ్ సర్వీసెస్ మొదలైన విభాగాల్లో తొలగింపులు అధికంగా ఉండే అవకాశం ఉంది. అన్ని విభాగాల కలుపుకొని అమెజాన్ లో 3,50,000 మంది కార్పోరేట్ ఉద్యోగులు ఉన్నారు.
అయితే వీరిలో 10శాతం మందిని తొలగించాలనే లక్ష్యంతో అమెజాన్ ముందుకు వెళ్తున్నట్లు తెలుస్తోంది. అమెజాన్ 30 వేల మంది ఉద్యోగులను తొలగిస్తుంది అని గతేడాది అంతర్జాతీయ మీడియాలో కథనాలు వచ్చాయి. అనంతరం అమెజాన్ సంస్థ 14 వేల మందిని తొలగించింది. ఇకపోతే జనవరి 27న మరో 16 వేల మంది ఉద్యోగులను తొలగించే అవకాశం ఉన్నట్లు తెలుస్తోంది.
