Friday 2nd May 2025
12:07:03 PM
Home > తాజా > మోహన్ బాబు అరెస్ట్ చేయకపోవడానికి కారణం ఇదే: రాచకొండ సీపీ!

మోహన్ బాబు అరెస్ట్ చేయకపోవడానికి కారణం ఇదే: రాచకొండ సీపీ!

cp sudheer babu

Rachakonda CP Sudheer Babu | సినీ నటుడు మంచు మోహన్ బాబు (Manchu Mohan Babu) కుటుంబంలో ఇటీవల వివాదం చెలరేగిన విషయం తెలిసిందే. ఈ క్రమంలో మోహన్ బాబు ఆవేశంలో ఓ జర్నలిస్టుపై దాడి చేశారు. దీంతో ఆయనపై కేసు నమోదయ్యింది.

ఈ నేపథ్యంలో మంచు ఫ్యామిలీపై కేసులు, మీడియా ప్రతినిధిపై మోహన్ బాబు దాడి ఘటనపై రాచకొండ సీపీ సుధీర్ బాబు కీలక వ్యాఖ్యాలు చేశారు. ఈ వివాదంలో మంచు కుటుంబంపై మెుత్తం మూడు ఎఫ్‌ఐఆర్‌లు నమోదైనట్లు సీపీ తెలిపారు.

డిసెంబర్ 10న జల్‌పల్లిలోని మోహన్ బాబు నివాసం వద్ద మీడియా ప్రతినిధిపై దాడి ఘటనపై ఆయనపై హత్యాయత్నం కేసు నమోదైందని చెప్పారు. ఈ నేపథ్యంలో మోహన్‌బాబుపై వారెంట్ ఇష్యూ చేసినట్లు తెలిపారు.

అయితే, విచారణకు హాజరయ్యేందుకు మోహన్ బాబు ఈనెల 24న వరకు సమయం అడిగినట్లు తెలిపారు. కోర్టు నుంచి ఆయన పర్మిషన్ తెచ్చుకున్నారని వెల్లడించారు. అందుకే ఈ కేసులో ఆయన్ను అరెస్టు చేయలేదని అన్నారు.

ఈనెల 24 తర్వాత ఆయనకు మరోసారి నోటీసులు ఇస్తామన్నారు. అప్పుడు ఆయన విచారణకు రావాల్సి ఉంటుందని తెలిపారు. లేదంటే వారెంట్ ఇష్యూ చేసి చట్ట ప్రకారం చర్యలు తీసుకుంటామన్నారు.  

You may also like
‘నెల్లూరు పెద్దారెడ్డి తాలూకా టీ-షర్ట్..అల్లు అర్జున్ వీడియో వైరల్’
‘ఉగ్రవాదులతో పాక్ బంధం..నిజం ఒప్పేసుకుంటున్న ఆ దేశ నేతలు’
సన్యాసాశ్రమంలో మోదీ పేరేంటో తెలుసా..బయటపెట్టిన పవన్!
‘విజయ్ దేవరకొండపై కేసు నమోదు చేయండి’

Leave a Reply

Skip to toolbar

Designed & Developed By KBK Business Solutions