CPI Narayana | తెలంగాణ ఎన్నికల ప్రచారానికి చివరి రోజు కావడం తో మాటల్లో ఘాటును పెంచారు నేతలు.
ఈ నేపథ్యంలో మంగళవారం ఖమ్మం నియోజకవర్గంలో కాంగ్రెస్ అభ్యర్ధి తుమ్మల (Tummala Nageswar Rao) తరఫున ప్రచారం నిర్వహించిన సీపీఐ నేత నారాయణ సంచలన వ్యాఖ్యలు చేశారు.
తుమ్మలను కేసీఆర్ (KCR) తుమ్మ ముల్లుతో పోల్చారనీ, కానీ ఆయన తులసి మొక్క లాంటోడు అంటూ కితాబిచ్చారు నారాయణ.
తులసి మొక్క లాంటి తుమ్మలకు, గంజాయి మొక్క లాంటి పువ్వాడ అజయ్ (Puvvada Ajay) కు పోటీ ఉందని తెలిపారు.
ఒకవైపు కాళేశ్వర ప్రాజెక్ట్ మునిగిపోతే కల్వకుంట్ల కుటుంబ ఖజానా మాత్రం పెరిగిపోయిందని విమర్శించారు.
అహంకారంతో కేసీఆర్ నంబర్1 అయితే, కేటీఆర్ నంబర్ 2, గంజాయి మొక్క అయిన పువ్వాడ నంబర్ 3 అని ధ్వజమెత్తారు.
తెలంగాణ ఉద్యమ సమయంలో కేసీఆర్ చేసిన దీక్ష కూడా దొంగదని, ఆయన చనిపోకుండా మాత్రలు ఇచ్చారని ఆరోపించారు.
కేసీఆర్ కు డాటర్ స్ట్రోక్ తగిలిందని, ఢిల్లీ లిక్కర్ కేసులో కవిత (Kavitha) ఉండటం తో కేసీఆర్ వెళ్లి బీజేపీ(BJP) నేతల కాళ్లు పట్టుకున్నారని ఆరోపించారు.
