బాలాపూర్ గణేష్ లడ్డూ వేలంలో ఆల్‌టైమ్ రికార్డు! -

రూ.39 లక్షలకు దక్కించుకున్న సామ ప్రణీత్ రెడ్డి!

Balapur Ganesh Laddu Auction తెలంగాణలో వినాయక నిమజ్జనాలు, లడ్డూ ప్రసాదాల వేలం పాటలు అత్యంత వైభవంగా కొనసాగుతున్నాయి. దేశవ్యాప్తంగా ఎంతో ఆసక్తిగా ఎదురుచూసే ప్రసిద్ధ ‘బాలాపూర్ గణపతి’ లడ్డూ వేలం పాటలో ఈ ఏడాది సరికొత్త ఆల్‌టైమ్ రికార్డు నమోదైంది. 21 కిలోల బాలాపూర్ మహాగణపతి లడ్డూ ప్రసాదం ఈసారి ఏకంగా రూ.39 లక్షల భారీ ధర పలికింది. ఈ వేలంలో 20 మందికి పైగా పోటీపడగా, తీవ్ర ఉత్కంఠ మధ్య సామ ప్రణీత్ రెడ్డి రూ.39 లక్షలకు లడ్డూను దక్కించుకున్నారు.

1994లో ప్రారంభం..

బాలాపూర్‌లో గణేశ్ ఉత్సవాలు 1980లో ప్రారంభం కాగా, 1994లో తొలిసారిగా లడ్డూ వేలం పాటను నిర్వహించారు. మొదటి ఏడాది స్థానిక రైతు కొలను మోహన్‌రెడ్డి రూ.450కు ఈ లడ్డూను సొంతం చేసుకున్నారు. బాలాపూర్ లడ్డూను దక్కించుకోవడం అదృష్టంగా భావిస్తారు. లడ్డూను ప్రసాదంగా స్వీకరించి, పొలాల్లో చల్లితే శుభం జరుగుతుందని, పంటలు బాగా పండుతాయని నమ్ముతారు.