NCPI New Update on UPI Payments | మన దేశంలో కొన్నేళ్లుగా యూపీఐ పేమెంట్లు గణనీయంగా పెరుగుతున్నాయి. నగదు కంటే గూగుల్ పే, ఫోన్ పే, పేటీఎం వంటి యాప్స్ ద్వారా భారీగా లావాదేవీలు జరుగుతున్నాయి. అయితే, 2025 జనవరి 1 నుండి NPCI కొత్త నిబంధనలు అమలులోకి రాబోతున్నాయి. ఎక్కువ కాలం ఉపయోగించని యూపీఐ ఐడీలను బ్లాక్ చేయనున్నారు.
ఏడాదికిపైగా ఉపయోగించని యూపీఐ ఐడీలు ఇనాక్టివ్‌గా పరిగణిస్తారు. మొబైల్ నంబర్ మార్చినప్పుడు లేదా కొత్త ఫోన్ నంబర్ తీసుకున్నప్పుడు యూపీఐ ఐడీ మరియు బ్యాంక్ ఖాతా లింకింగ్ మర్చిపోయినవారు ఈ సమస్యను ఎదుర్కొంటారు. 90 రోజుల తర్వాత టెలికాం సంస్థలు ఇనాక్టివ్ నంబర్లను కొత్త వారికి కేటాయిస్తాయి.
దీంతో మోసాలు జరిగే ప్రమాదం ఉంది. ఈ సమస్య నివారించేందుకు NPCI ఇనాక్టివ్ ఐడీలను బ్లాక్ చేయనుంది. గత ఏడాదిలో లావాదేవీలు జరపని యూపీఐ ఐడీలను డీరిజిస్టర్ చేసి, ఇన్‌వర్డ్ క్రెడిట్ ట్రాన్సాక్షన్లను బ్లాక్ చేస్తారు. అయితే, ఇనాక్టివ్ ఐడీలను తిరిగి యాక్టివ్ చేయవచ్చు. అందుకోసం యూపీఐ యాప్‌లోని మొబైల్ నంబర్ ద్వారా రిజిస్టర్ చేయవలసి ఉంటుంది.
