Pushpa-2 Special Song | పుష్ప 2 ది రూల్ ( Pushpa 2 The Rule ) కోసం ప్రపంచ వ్యాప్తంగా ఉన్న సినీ అభిమానులు ఎంతో ఆసక్తిగా ఎదురుచూస్తున్నారు. అల్లు అర్జున్ ( Allu Arjun )ప్రధాన పాత్రలో సుకుమార్ ( Sukumar ) దర్శకత్వం వహిస్తున్న ఈ సినిమా డిసెంబర్ 5న విడుదల అవనుంది.
ఈ క్రమంలో ఈ మూవీకి సంబంధించిన ఓ వార్త నెట్టింట్లో వైరల్ గా మారింది. సుకుమార్ మూవీ అంటే అందులో కచ్చితంగా ఓ స్పెషల్ సాంగ్ ( Special Song ) ఉంటుంది. 2021 లో విడుదలైన పుష్ప లో కూడా సమంత స్పెషల్ సాంగ్ లో కనిపించారు.
అల్లు అర్జున్ సమంత కలిసి చేసిన పాట బ్లాక్ బస్టర్ గా నిలిచింది. ఈ క్రమంలో పుష్ప 2 లో కూడా స్పెషల్ సాంగ్ ఉండనున్నట్లు మేకర్స్ ప్రకటించారు. ఈ స్పెషల్ సాంగ్ లో యువ నటి శ్రీలీల ( Sree Leela ) అల్లు అర్జున్ సరసన డాన్స్ చేయనున్నట్లు తెలుస్తోంది.
మొదట ఈ పాటలో బాలీవుడ్ హీరోయిన్ శ్రద్దా కపూర్ ( Shradda Kapoor ) కనిపిస్తారని వినిపించినా శ్రీలీల ఫిక్స్ అయినట్లు సమాచారం. అల్లు అర్జున్, శ్రీలీల ఇద్దరూ కూడా డాన్స్ విషయంలో సూపర్ టాలెంట్ ఉంది. దింతో పుష్ప 2 మూవీలోని స్పెషల్ సాంగ్ కు థియేటర్లు దద్దరిల్లడం గ్యారంటీ అంటూ ఫ్యాన్స్ కామెంట్లు పెడుతున్నారు.
