Five Telugu Youth Arrested In Texas | అమెరికా (America) లో ఓ వ్యభిచార (Prostitute)ముఠా గుట్టు రట్టైంది. వ్యభిచారానికి వ్యతిరేకంగా చేపట్టిన ఆపరేషన్లో ఏడుగురు భారతీయులను అమెరికా పోలీసులు అరెస్టు చేశారు. టెక్సాస్ రాష్ట్రంలోని డెంటన్ ప్రాంతంలో ఈ ఆపరేషన్ జరిగినట్లు పోలీసులు తెలిపారు.
వ్యభిచారం నిర్వహిస్తున్నట్ల ఫిర్యాదులు అందడంతో టెండన్ కౌంటీ పోలీసులు స్టింగ్ ఆపరేషన్ నిర్వహించారు.
ఈ స్టింగ్ ఆపరేషన్ కింద టెక్సాస్ (Texas) రాష్ట్రంలోని ఉత్తర ప్రాంతంలో మొత్తం 18 మంది పురుషులను పోలీసులు అరెస్టు చేశారు. డెంటన్ కౌంటీ ప్రాంతంలో వ్యభిచారాన్ని అంతం చేయడం లక్ష్యంగా స్టింగ్ ఆపరేషన్ జరిగింది. ప్రావిన్స్లోని అనేక పోలీసు విభాగాలు కూడా ఈ ఆపరేషన్కు మద్దతు ఇచ్చాయి.
పోలీసుల ఆపరేషన్లో పట్టుబడిన వారిలో ఐదుగురు తెలుగు యువకులు ఉన్నారు. వారిని నిఖిల్ బండి, మోనీష్ గల్లా, నిఖిల్ కుమ్మరి, జైకిరణ్ మేకల, కార్తీక్ రాయపాటిగా గుర్తించారు. వీరంతా ఉన్నత విద్య కోసం టెక్సాస్ వెళ్లారు. అయితే స్థానిక యువతతో పరిచయం పెంచుకొని సులభంగా డబ్బులు సంపాందించాలనే ఆలోచనతో డెంటన్ ప్రాంతంలో వ్యభిచారం నిర్వహిస్తున్నట్లు తెలుస్తోంది.
ఈ నిందితులపై వ్యవస్థీకృత వ్యభిచారం మరియు అరెస్టు నుండి తప్పించుకోవడానికి ప్రయత్నించడం వంటి అనేక అభియోగాలతో అరెస్టు చేశారు. యునైటెడ్ స్టేట్స్లో 18 సంవత్సరాల కంటే తక్కువ వయస్సు ఉన్న వ్యక్తిని వ్యభిచారం చేయడం చాలా తీవ్రమైన నేరం. వ్యవస్థీకృత వ్యభిచారం కూడా నేరపూరిత చర్య. విచారణ అనంతరం నిందితులందరికీ జైలుశిక్ష విధించే అవకాశం ఉంది.
